নিউজ ডেস্ক, 8 ডিচেম্বৰ : কৃষি আইন বাতিলৰ দাবীৰে 8 ডিচেম্বৰত সমগ্ৰ দেশজুৰি ভাৰত বন্ধৰ প্ৰভাৱ পৰিছে ৷ দেশৰ বিভিন্ন প্ৰান্তৰ লগতে অসমতো ভাৰত বন্ধৰ সৰ্বাত্মক প্ৰভাৱ পৰা পৰিলক্ষিত হৈছে ৷
ৰাজ্যৰ ভিন্ন প্ৰান্তৰ লগতে নলবাৰী চহৰৰ ব্যৱসায়িক প্ৰতিষ্ঠান সমূহৰ লগতে 31 নং ৰাষ্ট্ৰীয় ঘাইপথৰ গণেশ মন্দিৰ চ'কৰ লগতে পাইকাৰকুছি চ'কত আদিতো গাড়ী মটৰৰ চলাচল বন্ধ ৰখা পৰিলক্ষিত হৈছে । ইফালে, কৃষক সকলে জনোৱা এই বন্ধৰ মাত্র দুই এখন অত্যাৱশ্যকীয় সামগ্ৰীৰ লগত জড়িত ব্যক্তিৰ বাহিৰে সকলোবোৰ ব্যৱসায় প্ৰতিষ্ঠান বন্ধ হৈ পৰা পৰিলক্ষিত হৈছে ৷
লগতে পঢ়ক : লেপেটকটা দুৰ্ঘটনা : নিহতৰ পৰিয়াললৈ অসম চৰকাৰৰ ২ লাখকৈ সাহাৰ্য প্ৰদান
আনহাতে, আমগুৰিতো প্ৰধানমন্ত্ৰী নৰেন্দ্ৰ মোদীৰ প্ৰতিমূৰ্তি দাহ কৰি কৃষক মুক্তি, ছাত্ৰ মুক্তি, আহোম জাতীয় গণমঞ্চই প্ৰতিবাদ সাব্যস্ত কৰে ৷ লগতে, প্ৰতিবাদকাৰীয়ে নতুন কৃষি আইন বাতিলৰ দাবীত কৃষক মুক্তি,ছাত্ৰ মুক্তি, আহোম জাতীয় গণমঞ্চই প্ৰতিবাদ সাব্যস্ত কৰে । লগতে, সমগ্ৰ অসমৰ ৰাইজক গণতান্ত্ৰিকভাৱে বন্ধ সফল কৰিবলৈ আহ্বান জনাইছে । ইফালে, কৃষক সকলৰ বন্ধৰ দাবীত ওলাই অহা প্ৰতিবাদকাৰীক মুক্তি নিদিলে তীব্ৰ প্ৰতিবাদী কাৰ্যসূচী লোৱাৰ হুংকাৰ দিয়ে প্ৰতিবাদকাৰীয়ে ৷
একেদৰে, হোজাই জিলাতো দেখিবলৈ পোৱা গৈছে বন্ধৰ সৰ্বাত্মক প্ৰভাৱ ৷ সদৌ অসম সংখ্যালঘু ছাত্র ইউনিয়নৰ হোজাই জিলা কমিটীয়ে বন্ধক সমৰ্থন জনাই কৃষি আইন বাতিলৰ দাবী জনাইছে ৷
লগতে পঢ়ক : কেৰালা স্থানীয় নিকায় নিৰ্বাচনঃ ৫ খন জিলাত আজি প্ৰথম পৰ্যায়ৰ ভোটগ্ৰহণ
আনহাতে, ভাৰত বন্ধ কাৰ্যসূচীক পূৰ্ণ সমৰ্থন জনাই ধেমাজি জিলা কংগ্ৰেছৰ কৰ্মীয়ে ধেমাজি জীয়াঢল চাৰিআলিত প্ৰতিবাদ কাৰ্যসূচী ৰূপায়ন কৰে ৷ 15 নং ৰাষ্ট্ৰীয় ঘাইপথত নৰেন্দ্ৰ মোদী আৰু সবানন্দ সোণোৱালৰ প্ৰতিকৃতি দাহ কৰি কৃষি আইন বাতিল কৰক, বিজেপি চৰকাৰ হুছিয়াৰ, নৰেন্দ্ৰ মোদী মূদাবাদ আদি চৰকাৰ বিৰোধী শ্ল'গানেৰে পৰিস্থিতি উত্তপ্ত কৰি তোলে ৷
ইফালে, হাইলাকান্দি জিলাতো বন্ধৰ সৰ্বাত্মক প্ৰভাৱ পৰা পৰিলক্ষিত হৈছে ৷ আলগাপুৰ বাজাৰ এলেকাৰ মাটিজুৰি অঞ্চলত কৃষক মুক্তি সংগ্ৰাম সমিতি, বীৰ লাচিত সেনা, অসম জাতীয়তাবাদী যুৱ ছাত্ৰ পৰিষদ আৰু বিভিন্ন দল সংগঠনে প্ৰতিবাদ সাব্যস্ত কৰে । ইফালে, বন্ধৰ সৰ্মথনত প্ৰতিবাদ কৰা পাঁচ শতাধিক প্ৰতিবাদকাৰীক আটক কৰে আৰক্ষীয়ে ।
লগতে পঢ়ক : ভাৰতত ক’ভিড-19 ৰ শেহতীয়া তথ্য
