নলবাৰী, 3 অক্টোবৰ : নিজৰ প্ৰাপ্য অধিকাৰৰ দাবীত শনিবাৰে নলবাৰীত জনস্বাস্থ্য কাৰিকৰী বিভাগৰ অভিযন্তাৰ কাৰ্যালয়ত শতাধিক লোকে প্ৰতিবাদ সাব্যস্ত কৰে ৷ জনস্বাস্থ্য বিভাগৰ প্ৰায় 2 শতাধিক কৰ্মীয়ে এই প্ৰতিবাদ সাব্যস্ত কৰে ৷ হাতে হাতে বিভিন্ন ধৰণৰ বেনাৰ, প্লে'কাৰ্ড লৈ বিভিন্ন ধৰণৰ শ্ল'গানৰে তেওঁলোকে উত্তাল প্ৰতিবাদ সাব্যস্ত কৰে ৷
প্ৰতিবাদকাৰীৰ অভিযোগ অনুসৰি, বিনা বেতনে বিগত 12 বছৰৰ পৰা তেওঁলোকে ৰাইজক পানী যোগান ধৰি আহিছে কিন্তু তেওঁলোকে কোনো ধৰণৰ বেতন লাভ নকৰা বুলি অভিযোগ প্ৰদান কৰিছে ৷ যাৰবাবে তেওঁলোকে শীঘ্ৰে পৰিয়াল সমূহৰ স্বাৰ্থত তেওঁলোকক প্ৰাপ্য মজুৰি প্ৰদান কৰাৰ দাবী জনাইছে ৷
লগতে পঢ়ক : হেলিকপ্টাৰৰ সহায়ত গছপুলি ৰোপন ভাৰতীয় নৌ-সেনাৰ
প্ৰতিবাদকাৰীয় সকলে মন্ত্ৰী ৰিহণ দৈমাৰী মুৰ্দাবাদ, আমাক ভাত দিয়ক, আমাৰ পৰিয়ালক জীয়াই থাকিব দিয়ক আদি শ্ল'গানৰে উত্তাল কৰি তোলে পৰিৱেশ ।
উল্লেখ্য যে, নলবাৰী জিলাৰ প্ৰায় 2 শতাধিক কৰ্মচাৰীয়ে বেতন বিহীনভাৱে কাম কৰি আছে ৷
লগতে পঢ়ক : জীৱন সংগ্ৰামত হাৰ নমনা টীয়কৰ ৰীতামণি
