নলবাৰীত পিষ্টল সহ দুই ডকাইত গ্ৰেপ্তাৰ

নলবাৰীত পিষ্টল সহ দুই ডকাইত গ্ৰেপ্তাৰ ৷ নুৰুল হুছেইনৰ গৃহৰ পৰা আৰক্ষীয়ে জব্দ কৰা অষ্ট্ৰেলিয়ান পিষ্টলটোৰ মূল্য প্ৰায় 10 লাখ টকা ।

নলবাৰী, 22 আগষ্টঃ বুধবাৰে নিশা নলবাৰী সদৰ আৰক্ষীয়ে এক অভিযান চলাই এটা অত্যাধুনিক 9 MM পিষ্টল সহ দুজন দুধৰ্ষ ডকাইত গ্ৰেপ্তাৰ কৰিবলৈ সক্ষম হয় ৷ এক গোপন খবৰৰ ভিত্তিত আৰক্ষীয়ে এই অভিযান চলাইছিল ৷

আটকাধীন ডকাইত দুজন জিলাখনৰ দিপ্তা সুৰাদি গাৱঁৰ নুৰুল হুছেইন আৰু জাকিৰ হুছেইন বুলি জানিব পৰা গৈছে ৷ আৰক্ষীয়ে জানিব দিয়া অনুসৰি নুৰুল হুছেইনৰ গৃহৰ পৰা আৰক্ষীয়ে জব্দ কৰা অষ্ট্ৰেলিয়ান পিষ্টলটোৰ মূল্য প্ৰায় 10 লাখ টকা । ইয়াৰোপৰিও ডকাইত দুজনৰ পৰা আৰক্ষীয়ে এখন নম্বৰ প্লেট বিহীন পালছাৰ বাইক , চাৰিটা ম'বাইল হেণ্ডচেট জব্দ কৰিছে ৷ উল্লেখ্য যে কিছু মাহ পূৰ্বে নলবাৰীৰ তেল ডিপোকে ধৰি বিভিন্ন স্থানত ডকাইতৰ দলে ডকাইতি কৰি সন্ত্ৰাস চলাই আহিছিল বুলি আৰক্ষীয়ে জানিবলৈ দিয়ে ৷