নগাঁও, 27 জুন: ৰাজ্যত ভয়াৱহ ভাৱে বৃদ্ধি পাইছে কোভিড-19 ত আক্ৰান্তৰ সংখ্যা ৷ আন সমূহ জিলাৰ সমান্তৰালকৈ নগাঁও জিলাতো বৃদ্ধি পাইছে কোভিড-19 ত আক্ৰান্তৰ সংখ্যা ৷ শনিবাৰে নগাঁৱৰ ব্যক্তিগত খণ্ডৰ চিকিৎসালয় জি ডি হাস্পতাল এণ্ড ৰিচার্জ চেণ্টাৰ কৰ্মৰত দুজনকৈ চিকিৎসাকৰ্মীৰ দেহত ধৰা পৰে কোভিড-19 পজিটিভ ৷ এই ঘটনা বিয়পি পৰাৰ লগে লগে চিকিৎসালয়খনত চিকিৎসা গ্ৰহণ কৰা আন ৰোগী সকলৰ মাজত সৃষ্টি হয় আতংকময় পৰিৱেশ ৷ শনিবাৰে চিকিৎসালয়খনৰ চিকিৎসক কৰণ কুমাৰ দলে আৰু মৃদুস্মিতা দাস নামৰ এগৰাকী নাৰ্ছৰ দেহত ধৰা পৰে কোভিড পজিটিভ ৷
উল্লেখ্য যে, কিছুদিন পূৰ্বে জি ডি হাস্পতালৰ আই চি ইউত চিকিৎসাধীন হৈ থকা অৱস্থাত কংকন মুদৈ নামৰ এজনৰ দেহত ধৰা পৰিছিল কোভিড পজিটিভ ৷ তাৰ পাছতে কোভিড পৰীক্ষাৰ বাবে চিকিৎসালয়খনৰ চিকিৎসক, চিকিৎসা কৰ্মী সকলৰ নমুনা সংগ্ৰহ কৰিছিল নগাওঁ স্বাস্থ্য বিভাগে ৷ ব্যক্তিগত চিকিৎসালয়খনৰ ৰোগীৰ দেহত কোভিড পজিটিভ পজিটিভ নিশ্চিত হোৱাক লৈ আতংক অব্যাহত থকাৰ সময়তে শনিবাৰে চিকিৎসালয় খনৰ দুগৰাকীকৈ চিকিৎসাকৰ্মীৰ দেহত ধৰা পৰে কোভিড-19 পজিটিভ ৷ ইতিমধ্যে জি ডি হাস্পতালখনক সম্পূৰ্ণৰূপে কন্টেইমেন্ট জ'ন হিচাপে ঘোষণা কৰাৰ কথা উল্লেখ কৰে জিলা যুটীয়া স্বাস্থ্য সঞ্চালক অতুল চন্দ্ৰ পাটৰে ৷
লগতে পঢ়কঃ শিৱসাগৰ অসামৰিক চিকিৎসালয়ত চতুৰ্থ বৰ্গৰ কৰ্মচাৰীৰ প্ৰতিবাদ
