নগাঁও: ভোগৰ উৎসৱ ভোগালী । চাওঁতে চাওঁতে পুনৰ আহি পালে হেঁপাহৰ ভোগালী । পথাৰত ভেলাঘৰ নিৰ্মাণৰ কাম সম্পূৰ্ণ কৰাৰ পাছত এতিয়া প্ৰতিগৰাকী অসমীয়া ব্যস্ত ভোগৰ আয়োজনত । ভোগালীত পৰিয়ালৰ সৈতে লগে ভাগে এসাঁজ খাবলৈ মাছৰ লগতে হাঁহ, কুকুৰা ক্ৰয় কৰিবলৈ উৰুকাৰ পুৱাই বজাৰত ভিৰ কৰিছে বিভিন্নজনে । মাছৰ বজাৰতো গ্ৰাহকৰ ভিৰৰ সুযোগ গ্ৰহণ কৰি একাংশ ব্যৱসায়ীয়ে মাছৰ অত্যধিক মূল্য বৃদ্ধি কৰি অহাৰ অভিযোগো প্ৰায়েই উত্থাপন হৈ আহিছে ।
কিন্তু উৰুকাৰ বজাৰত মাছৰ অত্যধিক দাম বৃদ্ধি কৰাৰ প্ৰতি লক্ষ্য ৰাখি বিগত কেইবাবছৰ ধৰি নগাঁৱত জিলা প্ৰশাসন আৰু জিলা মীন বিভাগে সুলভ মূল্যত মাছ বিক্ৰীৰ ব্যৱস্থা কৰি আহিছে । প্ৰতি বছৰৰ দৰে এইবাৰো নগাঁও জিলা প্ৰশাসন আৰু মীন বিভাগে নগাঁও মীন বিভাগৰ কাৰ্যালয়ত আয়োজন কৰা সুলভ মূল্যৰ মাছৰ বজাৰত পুৱাৰ পৰাই ভিৰ কৰিছে জিলাখনৰ বিভিন্ন প্ৰান্তৰ গ্ৰাহকে । কোনোবাই যদি ক্ৰয় কৰিছে ডাঙৰ চিতল, আন কোনোবাই আকৌ ক্ৰয় কৰিছে ৰৌ অথবা বাহু । কিন্তু প্ৰতিবিধ মাছৰ বাবদ জিলা প্ৰশাসনে নিৰ্দ্ধাৰণ কৰি দিছে মূল্য ।
নগাঁও :
নগাঁও জিলা প্ৰশাসনে নিৰ্দ্ধাৰণ কৰি দিছে নগাঁৱৰ মীন বিভাগৰ কাৰ্যালয়ৰ বজাৰত বিভিন্ন মাছৰ মূল্য ৷ জিলা প্ৰশাসনে নিৰ্দ্ধাৰণ কৰি দিয়া অনুসৰি-
- ৰৌ, বাহু, মিৰিকা, মালী মাছৰ দাম (কেজি হিচাপত)
এক কেজিৰ তলৰ মূল্য : ১৯০ টকা
এক কেজিৰ পৰা দুই কেজি : ২৮০ টকা
দুই কেজিৰ পৰা আঢ়ৈ কেজি: ৩৩০ টকা
আঢ়ৈ কেজিৰ পৰা তিনি কেজি: ৩৮০ টকা
তিনি কেজিৰ পৰা চাৰে তিনি কেজি: ৪৩০ টকা
চাৰে তিনি কেজিৰ ওপৰৰ : ৪৪০ টকা
- গ্ৰাছ কাৰ্প, ছিলভাৰ কাৰ্প, কমল কাৰ্প মাছৰ মূল্য
এক কেজিৰ তলৰ: ১৪০ টকা
এক কেজিৰ পৰা দুই কেজি: ১৮০ টকা
দুই কেজিৰ পৰা আঢ়ৈ কেজি: ২৬০ টকা
আঢ়ৈ কেজিৰ পৰা তিনি কেজি: ২৯০ টকা
তিনি কেজিৰ পৰা চাৰে তিনি কেজি: ৩৪০ টকা
- আৰি, বৰালী আৰু চিতল মাছৰ মূল্য
এক কেজিৰ পৰা ডেৰ কেজি: ৩২০ টকা
ডেৰ কেজিৰ পৰা আঢ়ৈ কেজি: ৪৭০ টকা
আঢ়ৈ কেজিৰ পৰা তিনি কেজি: ৫৭০ টকা
তিনি কেজিৰ পৰা চাৰি কেজি: ৬৭০ টকা
চাৰি কেজিৰ পৰা পাঁচ কেজি: ৭৭০ টকা
পাঁচ কেজিৰ ওপৰৰ : ৭৯০ টকা
ৰহাৰ জোঙালবলহু:
উৰুকাৰ মাছৰ বজাৰ বুলি ক’লে মধ্য অসমৰে বিখ্যাত মাছৰ বজাৰ হিচাপে পৰিগণিত ৰহাৰ জোঙালবলহু মীন পামৰ মাছৰ বজাৰৰো মূল্য নিৰ্দ্ধাৰণ কৰিছে জিলা প্ৰশাসনে । সেই অনুসৰি-
- ৰৌ, বাহু, মিৰিকা, মালী
এক কেজিৰ তলৰ: ১৬০ টকা
এক কেজিৰ পৰা দুই কেজি: ২৫০ টকা
দুই কেজিৰ পৰা তিনি কেজি: ৩৫০ টকা
তিনি কেজিৰ পৰা চাৰি কেজি: ৪০০ টকা নিৰ্দ্ধাৰণ কৰা হৈছে।
- একেদৰে জোঙালবলহু মীন পামৰ মাছৰ বজাৰত গ্ৰাছ কাৰ্প, ছিলভাৰ কাৰ্প, কমল কাৰ্প আদি মাছৰ মূল্য
এক কেজিৰ তলৰ: ১৫০ টকা
এক কেজিৰ পৰা দুই কেজি: ২০০ টকা
দুই কেজিৰ পৰা তিনি কেজি: ২৫০ টকা
তিনি কেজিৰ পৰা চাৰি কেজি: ৩০০ টকা
জিলা প্ৰশাসন আৰু জিলা মীন বিভাগে ব্যৱস্থা কৰা সুলভ মূল্যৰ মাছৰ বজাৰত পছন্দৰ মাছ ক্ৰয় কৰিবলৈ হেতা-ওপৰা লগাইছে গ্ৰাহকে । পছন্দৰ মাছ ক্ৰয় কৰি আনন্দ স্ফুৰ্তিৰে ঘৰমুৱা হৈছে প্ৰতিগৰাকী গ্ৰাহক ।
| লগতে পঢ়ক: উৰুকাৰ বজাৰ; বিধায়কেও বিক্ৰী কৰিছে মাছ |
