নলবাৰী,10 মাৰ্চ: নলবাৰী সমষ্টিৰ এজেপিৰ প্ৰাৰ্থী নগেন ডেকাই আজি মনোনয়ন দাখিল কৰে ৷ মনোনয়ন দাখিল কৰা পূৰ্বে নলবাৰীৰ হৰি মন্দিৰৰ লখিমী পথাৰত আয়োজন কৰা অসম জাতীয় পৰিষদৰ এক নিৰ্বাচনী সভাত অংশগ্ৰহণ কৰে নগেন ডেকাই ৷
ইয়াৰ পাচতে দলীয় কৰ্মীৰ সৈতে সমদল কৰি জিলা উপায়ুক্ত কাৰ্যালয়ত উপস্থিত হয় নগেন ডেকা ৷ ইফালে নগেন ডেকাক গামোচা পিন্ধাই আদৰণি জনাই ৰাষ্ট্ৰীয় স্বয়ংসেৱক সংঘৰ জ্যেষ্ঠ নেতা উমেশ চক্ৰৱৰ্তীয়ে ৷
এজেপিৰ প্ৰাৰ্থী নগেন ডেকাৰ মনোনয়ন দাখিল
আনহাতে, সমষ্টিটোৰ এজেপিৰ প্ৰাৰ্থী নগেন ডেকাই বিজেপি প্ৰাৰ্থী জয়ন্ত মল্ল বৰুৱাক ক্ষুৰধাৰ সমলোচনা কৰে ৷ নলবাৰীত জয়ন্ত মল্লই তিনিটা সমষ্টিৰ পৰা মানুহ গোটাই একপ্ৰকাৰ ভীতি প্ৰদৰ্শন কৰা বুলিও মন্তব্য কৰে নগেন ডেকাই ৷
লগতে পঢ়ক: মহন্ত যুগৰ অৱসান
