নগাঁও,৪জুন : আজি পৱিত্ৰ ৰমজান মাহৰ অন্তিমটো দিন । পৱিত্ৰ ঈদ-উল-ফিতৰৰ বাবে মাজত মাত্ৰ এটা দিন থকা সময়তে ৰাজ্যৰ প্ৰান্তে-প্ৰান্তে চলিছে ঈদ-উল-ফিতৰৰ পূৰ্ণ প্ৰস্তুতি । নগাঁৱতো ইছলাম ধৰ্মালম্বী লোকসকল সাজু হৈ উঠিছে ঈদ-উল-ফিতৰৰ বাবে । বিবিধ খাদ্যৰ পৰা আৰম্ভ কৰি সাজ-পোছাকৰ লগতে বিভিন্ন সুগন্ধিৰে ভৰি পৰিছে নগাঁৱৰ ঢাকাই পট্টি, ষ্টেডিয়াম মাৰ্কেট আদি বজাৰসমূহ ।
ঈদ উল ফিতৰৰ পূৰ্ণ প্ৰস্তুতি নগাঁৱত
ইফালে, এই ঈদ-উল-ফিতৰৰ বাবে অসাধু ব্যৱসায়ীয়ে সামগ্ৰীৰ মূল্যবৃদ্ধি কৰাৰো এক অভিযোগ উত্থাপিত হৈছে । নিজ ইচ্ছামতেই একাংশ দোকানীয়ে কাপোৰৰ মূল্য বৃদ্ধি কৰা বুলি অভিযোগ উত্থাপন কৰিছে একাংশ গ্ৰাহকে ।
