কলিয়াবৰ, 17 অক্টোবৰ : কলিয়াবৰ জিলা সত্ৰ মহাসভাৰ উদ্যোগত আৰু পশ্চিম কলিয়াবৰ সত্ৰ মহাসভাৰ সহযোগত শ্ৰীশ্ৰীবালিসত্ৰ বামন গোঁসাই থানত দুদিনীয়াকৈ অনুষ্ঠিত মহাপুৰুষ শ্ৰীমন্ত শংকৰদেৱৰ আৰ্ৱিভাৱ মহোৎসৱ শনিবাৰে সামৰণি পৰে ৷ ৰাম বিজয় ভাওনা প্ৰদৰ্শনেৰে সামৰণি পৰিল গুৰুজনাৰ ৫৭৩ সংখ্যক আৰ্ৱিভাৱ মহোৎসৱ ।
শ্ৰীমন্ত শংকৰদেৱৰ আৰ্ৱিভাৱ মহোৎসৱত উপস্থিত থাকে স্বাস্থ্যমন্ত্ৰী কেশৱ মহন্ত ৷ মহোৎসৱত মন্ত্ৰীত্বৰ কৰ্ম-ব্যস্ততাৰ মাজতে গুৰুজনাৰ সৃষ্টিৰাজিক উজ্জীৱিত কৰি ৰখাত ব্যস্ত হৈ পৰিল মন্ত্ৰী কেশৱ মহন্ত । অধুনাপৌঢ় কালৰ পৰা আৰম্ভ কৰি শতায়ু গৰকিবলৈ ৰাওনা হোৱা কলিয়াবৰৰ বাচকবনীয়া বয়োজ্যেষ্ঠ শিল্পীসকলে মহোৎসৱৰ শেষৰ দিনা গুৰুজনাৰ 'ৰাম বিজয়' অংকীয়া নাট প্ৰদৰ্শন কৰে ৷
প্ৰায় ৮০ উৰ্ধৰ জ্যেষ্ঠ শিল্পীয়েও শ্ৰীশ্ৰী বালিসত্ৰ বামন গোঁসাই থানত আয়োজিত ৰাম বিজয় ভাওনাত ভাও লৈ উঠি অহা প্ৰজন্মক দি গ’ল গুৰুজনাৰ মহান সৃষ্টিৰাজিৰ আদৰ্শ । উল্লেখ্য যে, মহাপুৰুষ শ্ৰীমন্ত শংকৰদেৱ গুৰুজনাৰ ৰচিত অন্তিমভাগ অংকীয়া নাট 'ৰাম বিজয়' প্ৰদৰ্শনেৰে দ্বিতীয় বৈকুণ্ঠলৈ পৰিণত হয় শ্ৰীশ্ৰীবালিসত্ৰ বামন গোঁসাই থান ।
লগতে পঢ়ক : পৰম্পৰাগত পোছাকেৰে বালিসত্ৰ বামন গোঁসাই থানত স্বাস্থ্যমন্ত্ৰী কেশৱ মহন্ত
