নগাঁও, 21 অক্টোবৰঃ সোমবাৰে নগাঁৱৰ ইটাপাৰাৰ পৰা আৰক্ষীয়ে আটক কৰে ইক্ৰামুল ইছলাম নামৰ এজন ব্যক্তিক ৷ বিগত বহুদিনৰ পৰাই ৰাইজক অস্ত্ৰৰে ভয় ভাবুকি প্ৰদান কৰাৰ অভিযোগ উত্থাপন হৈ আহিছিল ইক্ৰামূলৰ বিৰুদ্ধে ৷ আৰক্ষীয়ে অভিযান চলাই ইক্ৰামূলৰ ঘৰৰ পৰা উদ্ধাৰ কৰে এটা হস্তনিৰ্মিত পিষ্টল ৷
আৰক্ষীৰ জালত ইক্ৰামুল
এক গোপন সূত্ৰৰ ভিত্তিত সোমাবাৰে নগাঁও আৰক্ষী চকীৰ ভাৰপ্ৰাপ্ত বিষয়া গৌৰৱ জ্যেতি মহন্তৰ নেতৃত্বত আৰক্ষীৰ এটা দলে ইক্ৰামূলৰ বাসগৃহত অভিযান চলায় ৷ অভিযানত বাসগৃহৰ পৰা আৰক্ষীয়ে এটা হস্তনিৰ্মিত পিষ্টল জব্দ কৰে ৷ আৰক্ষীৰ লোকক দেখি ঘটনাস্থলীৰ পৰা পলায়নৰ চেষ্টা চলাই ইক্ৰামূলে ৷ ধৃত ইক্ৰামূলৰ বিৰুদ্ধে নাৰী দেহ ব্যৱসায়,ড্ৰাগছৰ ব্যৱসায় আদিৰ লগত জড়িত থকাৰ অভিযোগ আছে ৷
