নগাঁও, 13 অক্টোবৰ: নগাঁৱৰ পুৰণিগুদামৰ মুঢ়ানিত ভণ্ড বাবাক উত্তম মাধ্যম শোধালে ৰাইজে । ৰাইজৰ অভিযোগ মতে, দেওবাৰে পুৱা মুঢ়ানিৰ মিন্টু চমুৱা নামৰ যুৱকজনে ভণ্ড বাবাৰ ৰূপ লৈ প্ৰতিবেশীৰ ঘৰত উপদ্ৰৱ চলাই । মিন্টু চমুৱাৰ চুৰিৰ আঘাতত আহত হয় গগন পাঠক আৰু লম্বোদৰ পাঠক নামৰ দুজনকৈ লোক। ইয়াৰোপৰি চুবুৰীয়াৰ ঘৰৰ সামগ্ৰীটো অগ্নিসংযোগ কৰে মিণ্টুৱে।
মিন্টুৰ এনেবোৰ কাণ্ডৰ ফলতে ক্ষুদ্ধ ৰাইজে মিন্টুক ধৰিবলৈ চেষ্টা কৰে যদিও যুৱকজনে ভিতৰৰ পৰা ৰাইজলৈ শিল দলিয়াই । পৰৱৰ্তী সময়ত ঘটনাস্থলীত চামগুৰি আৰক্ষী উপস্থিত হৈ ভণ্ড বাবাজী মিন্টু চমুৱাক আটক কৰে । পুলিচে আটক কৰা চেগতে উত্তেজিত ৰাইজে লপা থপা দিয়ে ভণ্ড মিন্টু চমুৱাক। ইতিমধ্যে পুলিচে ভণ্ড বাবাজীৰ কোঠাৰ পৰা বহু নিচাজাতীয় দ্ৰৱ্য জব্দ কৰা বুলি জানিবলৈ দিয়ে ৷ মিন্টু চমুৱাই নিচাজাতীয় দ্ৰৱ্য সেৱন কৰি পূৰ্বতেও নিজৰ ঘৰত উপদ্ৰব চলোৱা বুলি ৰাইজে জানিবলৈ দিয়ে। সম্প্ৰতি চামগুৰি আৰক্ষীৰ জিম্মাত আছে ভণ্ড বাবা মিন্টু চমুৱা।
