নগাঁও, 9 এপ্ৰিলঃ বুধবাৰে চামগুৰিস্থিত মোৱামাৰী মডেল হাস্পাতালত উপস্থিত হয় কংগ্ৰেছ নেতা ৰকিবুল হুছেইন । চিকিৎসালয় খনত উপস্থিত হৈ কৰ্মৰত চিকিৎসাকৰ্মী সকলৰ লগতে চাফাই কৰ্মী সকলৰ মনোবল বৃদ্ধিৰ বাবে তেওঁলোকৰ সৈতে কিছু সময় অতিবাহিত কৰে বিৰোধী দলৰ উপ দলপতি গৰাকীয়ে । ৰকিবুল হুছেইনে চিকিৎসালয়খনত সকলো কৰ্মীকে এটি ধন্যবাদসূচক উপহাৰ আগবঢ়োৱাৰ লগতে, সকলোৰে লগতে মিলি 'হিন্দু হ'ম নে আমি মুছলমান হ'ম, মানৱৰ সন্তান আমি মানৱেই হ'ম' শীৰ্ষক এটি সমন্বয়ৰ গীত পৰিৱেশন কৰে । এই গীতৰ জৰিয়তে তেওঁ জাতি ধৰ্ম নিৰ্বিশেষে কৰ'ণাৰ বিপক্ষে যুঁজিবলৈ সকলোকে আহ্বান জনায় ।
চিকিৎসাকৰ্মী, চাফাইকৰ্মীৰ সৈতে সমন্বয়ৰ গীত পৰিৱেশন ৰকিবুল হুছেইনৰ
উল্লেখ্য যে, বুধবাৰে চিকিৎসালয়খনত কোৱাৰেণ্টাইনত ৰখা 8 গৰাকী ব্যক্তিৰ তেজ পৰীক্ষা কৰি নিগেটিভ পোৱাৰ পিচত, চিকিৎসালয় কৰ্তৃপক্ষই তেওঁলোকক হোম কোৱাৰাণ্টাইনলৈ প্ৰেৰণ কৰে ।
