নগাঁও,1 মাৰ্চ: ড্ৰাগছৰ বিৰুদ্ধে পুনৰ অভিযান চলাই সফলতা লাভ কৰিলে নগাঁও আৰক্ষীৰ নগৰ শাখাই । দেওবাৰে নিশা নগাঁও আৰক্ষীৰ নগৰ শাখাৰ ভাৰপ্ৰাপ্ত বিষয়া কুন্দন ৰবি দাসৰ নেতৃত্বত আৰক্ষীৰ এটা দলে অভিযান চলাই চহৰখনৰ এল ফিষ্টন চাৰিআলিত । এল ফিষ্টনৰ মুকিবোৰ ৰহমান নামৰ লোকজনৰ ঘৰত অভিযান চলাই আৰক্ষীয়ে বুজন পৰিমাণৰ হেৰ'ইন জব্দ কৰিবলৈ সক্ষম হয় ।
দীৰ্ঘদিন ধৰি নিষিদ্ধ ড্ৰাগছৰ ব্যৱসায়ৰ লগত জড়িত থকাৰ অভিযোগত আৰক্ষীৰ দলটোৱে মুকিবোৰ ৰহমানক আটক কৰে । বৰ্তমান আৰক্ষীয়ে আটকাধীন লোকজনক সোধ-পোছ অব্যাহত ৰাখিছে ৷
লগতে পঢ়ক: নিৰ্বাচনক কেন্দ্ৰ কৰি টীয়কত প্ৰশাসনৰ তৎপৰতা
