নগাঁৱত নিচাজাতীয় সামগ্ৰীসহ মহিলা আটক

আটকাধীন মহিলাগৰাকীৰ বাসগৃহৰ পৰা আৰক্ষীয়ে ব্ৰাউন চুগাৰ আৰু ভাং জব্দ কৰে । মহিলাগৰাকীয়ে দীৰ্ঘদিন ধৰি চহৰখনৰ খ্ৰীষ্টিয়ান পট্টি কবৰস্থান ৰোডত নিষিদ্ধ ড্ৰাগছৰ ৰমৰমীয়া ব্যৱসায় চলাই আহিছিল ।

নগাঁও , ১৭ জুন : দেওবাৰে নিশা নগাঁও আৰক্ষীয়ে নিষিদ্ধ নিচা জাতীয় সামগ্ৰীসহ এগৰাকী মহিলাক আটক কৰে । আটকাধীন মহিলাগৰাকীৰ বাসগৃহৰ পৰা আৰক্ষীয়ে ব্ৰাউন চুগাৰ আৰু ভাং জব্দ কৰে ।

আৰক্ষীয়ে জনোৱা অনুসৰি মহিলাগৰাকীয়ে দীৰ্ঘদিন ধৰি চহৰখনৰ খ্ৰীষ্টিয়ান পট্টি কবৰস্থান ৰোডত নিষিদ্ধ ড্ৰাগছৰ ৰমৰমীয়া ব্যৱসায় চলাই আহিছিল । তেনে সময়তে দেওবাৰে নিশা আৰক্ষীয়ে মহিলাগৰাকীৰ বাসগৃহত অভিযান চলাই ৪.১৩ গ্ৰাম ব্ৰাউন চুগাৰ , ২৬২ গ্ৰাম ভাং জব্দ কৰাৰ লগতে মহিলাগৰাকীক আটক কৰে ।