ৰূপহীহাট,22 মাৰ্চ: ৰূপহীহাট সমষ্টিৰ জুৰীয়াত বিজেপি প্ৰাৰ্থী নাজিৰ হুছেইনৰ বিশাল নিৰ্বাচনী সভা । হাজাৰ হাজাৰ লোকৰ উপস্থিতিৰে জন সমুদ্ৰলৈ পৰিণত হ'ল জুৰীয়া । সভাত বিজেপিৰ ৰাষ্ট্ৰীয় নেতা তথা বিহাৰৰ উদ্যোগ মন্ত্ৰী শ্বাহনাৱাজ হুছেইন উপস্থিত হোৱাৰ কথা আছিল যদিও কোনো বিশেষ কাৰণত উপস্থিত নোৱাৰিলে ৷ ইয়াৰ বিপৰীতে সভাত উপস্থিত হয় সৰ্ব ভাৰতীয় জামাত ই উলেমাৰ সভাপতি ছোৱাইব কাছিমী আৰু ৰাজ্যিক সংখ্যালঘু মৰ্চাৰ নেতা মুক্তাৰ হুছেইন খান ।
জুৰীয়া খেলপথাৰত বিজেপি প্ৰাৰ্থী নাজিৰ হুছেইনৰ হৈ প্ৰচাৰ চলাবলৈ অহা ৰাজ্যিক নেতাজনে কংগ্ৰেছক ক্ষুৰধাৰ সমালোচনা কৰাৰ লগতে পুনৰবাৰ অসমত বিজেপি চৰকাৰ হ'ব বুলিও উল্লেখ কৰে । বিজেপিৰ সভাখনত ৰাষ্ট্ৰীয় নেতাৰ ভাষণ শুনিবলৈ প্ৰখৰ ৰ'দতো হাজাৰ হাজাৰ ভোটাৰ ৰাইজ উপস্থিত থকাটোৱে এক বিশেষ মাত্ৰা বহন কৰিছে ৷
লগতে পঢ়ক: গেৰাণ্টি নিদিওঁ,কামেৰে কৰি দেখুৱাও: হিমন্ত বিশ্ব শৰ্মা
