মৰিগাঁও, 12 মে': মঙলবাৰে নিশা মৰিগাঁৱৰ দলবাৰীত সংঘটিত হয় এক শোকাৱহ পথ দুৰ্ঘটনা ৷ মৰিগাঁও চহৰৰ পৰা দুই কিলোমিটাৰ নিলগৰ দলবাৰীত মৰিগাঁও নগৰৰ পৰা নগাঁও অভিমুখী এখন পালচাৰ বাইক আৰু AS-01-ET-6845 নম্বৰৰ এখন হণ্ডা বাহনৰ মাজত হোৱা মুখামুখি সংঘৰ্ষত থিতাতে নিহত হয় পালচাৰ বাইকত থকা দুই পুৰুষ-মহিলা ৷
দলবাৰীৰ পথ দুৰ্ঘটনাত নিহত দুই পুৰুষ-মহিলা
ঘটনাস্থলীত আৰক্ষীৰ লোক উপস্থিত হৈ মৃতদেহ দুটা উদ্ধাৰ কৰাৰ লগতে হণ্ডাৰ দুই আৰোহীক সংকটজনক অৱস্থাত মৰিগাঁও অসামৰিক চিকিৎসালয়ত ভৰ্তি কৰোৱা হৈছে ৷ সম্প্ৰতি থিতাতে নিহত দুই পুৰুষ-মহিলাৰ কোনো পৰিচয় লাভ কৰা নাই আৰক্ষীয়ে ৷
