মৰিগাঁও. 19 জুনঃ শুকুৰবাৰে পুৱাৰ ভাগত মৰিগাঁৱত মুখ্যমন্ত্ৰী সমগ্ৰ গ্ৰাম্য উন্নয়ন আঁচনিৰ অধীনত ট্ৰেক্টৰ বিতৰণৰ শুভাৰম্ভণি কৰে, স্থনীয় বিধায়ক তথা অসম মীন উন্নয়নৰ অধ্যক্ষ ৰমাকান্ত দেউৰীয়ে ৷ মৰিগাঁও জিলা কৃষি বিভাগৰ উদ্যোগত শুকুৰবাৰে 11 টাকৈ কৃষি উৎপাদন গোটত একোখনকৈ ট্ৰেক্টৰ বিতৰণ কৰে বিধায়ক গৰাকীয়ে ৷
বিজেপি চৰকাৰে কৃষকৰ বাবে ৰূপায়ণ কৰা এই আঁচনিখনৰ বিষয়ে বিধায়ক গৰাকীয়ে, চৰকাৰে এই ট্ৰেক্টৰ ক্ৰয় কৰাৰ বাবে প্ৰতিটো গোটক ৭০ শতাংশ ধন প্ৰদান কৰিছে বুলি উল্লেখ কৰে ৷ অৰ্থাৎ কৃষকসকলে ৩০ শতাংশ ধন দিলেই একোখনকৈ মহিন্দ্ৰাৰ ট্ৰেক্টৰ লাভ কৰিব পাৰিব ৷ সেয়ে কষক সকলে চৰকাৰী আঁচনিসমূহৰ অংশীদাৰ হৈ জিলা খনৰ লগতে ৰাজ্য তথা দেশৰ উন্নয়নৰ বাবে আগবাঢ়ি আহিব লাগে বুলি মন্তব্য কৰে বিধায়ক ৰমাকান্ত দেউৰীয়ে ৷ বান আৰু গৰাখহনীয়াগ্ৰস্ত জিলাখনৰ ৯০ শতাংশ লোকেই কৃষি নিৰ্ভৰ সেয়ে কৃষক সকলক স্বাৱলম্বী ভাৰত গঢ়াৰ বাবে আত্মনিয়োগ কৰিবলৈয়ো আহ্বান জনায় বিধায়ক গৰাকীয়ে ৷
লগতে পঢ়কঃ বানৰ সৈতে মোকাবিলা কৰিবলৈ কিদৰে সাজু হৈছে চৰকাৰ-প্ৰশাসন !
