পথৰ কাষত উদ্ধাৰ অচিনাক্ত মহিলাৰ মৃতদেহ

এটা অচিনাকি মহিলাৰ মৃতদেহক লৈ মৰিগাঁৱৰ দন্দোৱাত তীব্ৰ চাঞ্চল্য সৃষ্টি হৈছে ৷ ইতিমধ্য ঘটনাস্থলীত উদ্ধাৰ হৈছে ম'বাইলকে ধৰি কেইবাটাও সামগ্ৰী ৷

মৰিগাঁও, 7 জুলাইঃ মৰিগাঁও জিলাৰ দন্দোৱাত মঙলবাৰে পুৱা ভাগত উদ্ধাৰ হয় এগৰাকী অচিনাক্ত মহিলাৰ মৃতদেহ ৷ প্ৰথমে স্থানীয় লোকে মৃতদেহটো প্ৰত্যক্ষ কৰি ততালিকে ঘটনা সন্দৰ্ভত আৰক্ষীক অৱগত কৰে ৷

ইতিমধ্যে ঘটনাস্থলীত আৰক্ষীৰ লোক উপস্থিত হৈ তদন্ত অব্যাহত ৰাখিছে যদিও বৰ্তমানলৈকে মৃত মহিলা গৰাকীৰ পৰিচয় উদ্ধাৰ কৰিব পৰা নাই ৷ মৃত মহিলা গৰাকীৰ দেহত আঘাতৰ চিন স্পষ্ট হৈ আছে বুলি স্থানীয় লোকে সাংবাদিকৰ আগত উল্লেখ কৰে ৷ লগতে মৃতদেহৰ কাষতেই উদ্ধাৰ হৈছে ম'বাইল, পাৰ্চ আৰু চেণ্ডেল ৷ নিশা ভাগত কোনোবা দুৰ্বৃত্তই মহিলাগৰাকীক হত্যা কৰি পথৰ দাঁতিত পেলাই থৈ যায় বুলি সন্দেহ কৰিছে স্থানীয় লোকে ।লগতে পঢ়ক- বৰপেটাৰ হাঁহচৰা গাঁৱত শিশুৰ সলিল সমাধি