মৰিগাঁও, 8 ফেব্ৰুৱাৰী: জাগীৰোড ক্ৰীড়া সন্থাৰ উদ্যোগত জাগীৰোডত অনুষ্ঠিত হয় শিশুৰাম হাজৰিকা সোঁৱৰণি 4ৰ্থ বাৰ্ষিক সদৌ অসম চেইশ্বিন্কাই শ্বিট-ৰিঅ' কাৰাটে-2021 প্ৰতিযোগিতা। দেওবাৰে জাগীৰোড ক্ৰীড়া সন্থাৰ খেলপথাৰত এদিনীয়া কাৰ্যসূচীৰে অনুষ্ঠিত হয় প্ৰতিযোগিতাখন ৷
কিশোৰ-কিশোৰী তথা যুৱক-যুৱতীসকলৰ মাজত শাৰীৰিক,মানসিক বিকাশ,আত্মৰক্ষাৰ কৌশল আৰু ক্ৰীড়া সুলভ মনোভাব জগাই তোলাৰ উদ্দেশ্যৰে এই প্ৰতিযোগিতা আয়োজন কৰা হয় বুলি উদ্যোক্তা সকলে জনাইছে ৷ প্ৰতিযোগিতাখনত অসমৰ বিভিন্ন অঞ্চল পৰা অহা শতাধিক প্ৰতিযোগীয়ে অংশগ্ৰহণ কৰে ৷
