মৰিগাঁৱত নলা নিৰ্মাণত ব্যাপক অনিয়মৰ অভিযোগ

মৰিগাঁৱত নলা নিৰ্মাণত ব্যাপক অনিয়ম সংঘটিত কৰাৰ অভিযোগ উত্থাপন হৈছে নলা নিৰ্মাণৰ দায়িত্বত থকা ঠিকা প্ৰতিষ্ঠানৰ বিৰুদ্ধে ৷ নিৰ্মাণ কৰা নলাত আঁসোৱাহ থাকি যোৱাৰ অভিযোগ ৰাইজৰ ৷

মৰিগাঁও, 20 ডিচেম্বৰ: মৰিগাঁৱত নিৰ্মাণ বিভাগৰ অধীনত নলা নিৰ্মাণ কৰা ঠিকা প্ৰতিষ্ঠানৰ দৌৰাত্ম্য ৷ পশ্চিম মৰিগাঁৱৰ নভেটি কালিৰাম ডেকাৰজাৰ পথৰ দুয়োকাষে এনে প্ৰতিষ্ঠানে নিৰ্মাণ কৰা নলাসমূহত আঁসোৱাহ থাকি যোৱাৰ অভিযোগ উত্থাপন হৈছে ৷ মৰিগাঁও চহৰৰ পৰা পানী নিষ্কাষণৰ বাবে বাচনাঘাটলৈ নলা নিৰ্মাণৰ নামত কোটি টকীয়া আঁচনি ৰূপায়ন কৰিছে যদিও, সেই কামত দুৰ্নীতি সংঘটিত হোৱাৰ অভিযোগ ঠিকাদাৰৰ বিৰুদ্ধে ৷

নলাৰ কাষৰ দুয়োখন দেৱালত সংস্থাপন কৰা ৰ'ড নিৰ্দিষ্ট জোখতকৈ চুটিকৈ লগাই শ্লেপ নিৰ্মাণ কৰাৰ অভিযোগ ঠিকা প্ৰতিষ্ঠানৰ বিৰুদ্ধে ৷ আনহাতে নলাটো বাচনাঘাটলৈ পানী যাব পৰাকৈ এঢলীয়া হোৱাৰ বিপৰীতে, কালিৰাম ডেকাৰজাৰ পথৰ দুয়োকাষে অপৰিকল্পিতভাৱে নিৰ্মাণ কৰাৰ অভিযোগ স্থানীয় ৰাইজৰ ৷

লগতে পঢ়ক: পথ নিৰ্মাণকাৰী মহিলা শ্ৰমিকক শাৰিৰীকভাৱে প্ৰহাৰ শিক্ষকৰ