প্ৰয়াত মুখ্যমন্ত্ৰীৰ অস্থি লৈ নাৰায়ণপুৰত পুত্ৰ গৌৰৱ গগৈ

অস্থি লৈ বৃহস্পতিবাৰে সন্ধিয়া নাৰায়ণপুৰত উপস্থিত হ’ল পুত্ৰ গৌৰৱ গগৈ ৷ পুত্ৰ গৌৰৱ গগৈ বিহপুৰীয়া সমষ্টিত উপস্থিত হোৱাৰ লগে লগে প্ৰয়াত জননেতা গৰাকীৰ সহস্ৰাধিক গুণমুদ্ধ আৰু দলীয় সমৰ্থকে গায়ন-বায়নেৰে নাৰায়ণপুৰৰ জ্যোতি সংগমৰ প্ৰেক্ষাগৃহলৈ আদৰণি জনাই ৷

বিহপুৰীয়া, 18 ডিচেম্বৰ : প্ৰয়াত প্ৰাক্তন মুখ্যমন্ত্ৰী তৰুণ গগৈৰ অস্থি লৈ বৃহস্পতিবাৰে সন্ধিয়া নাৰায়ণপুৰত উপস্থিত হ’ল পুত্ৰ গৌৰৱ গগৈ ৷ ৰাজ্যজোৰা শান্তি সদ্ভাৱনা যাত্ৰাৰ অংশস্বৰূপে অস্থি পাত্ৰ লৈ সাংসদ পুত্ৰ গৌৰৱ গগৈ বিহপুৰীয়া সমষ্টিত উপস্থিত হোৱাৰ লগে লগে প্ৰয়াত জননেতা গৰাকীৰ সহস্ৰাধিক গুণমুদ্ধ আৰু দলীয় সমৰ্থকে গায়ন-বায়নেৰে নাৰায়ণপুৰৰ জ্যোতি সংগমৰ প্ৰেক্ষাগৃহলৈ আদৰণি জনাই ৷

জননেতা গৰাকীৰ আত্মাৰ সদগতি কামনাৰে অনুষ্ঠিত ভাগৱত পাঠ অনুষ্ঠানত সেৱা জনাই গৌৰৱ গগৈয়ে মঞ্চত পিতৃৰ অস্থি পাত্ৰৰ সন্মুখত বন্তি প্ৰজ্বলন কৰি শ্ৰদ্ধাঞ্জলি নিবেদন কৰে ৷ লগতে সমষ্টিটোৰ বৰ্ষীয়ান ৰাজনীতিবিদ তথা প্ৰাক্তন বিধায়ক প্ৰেমধৰ বৰা, অগপ দলৰ প্ৰাক্তন বিধায়ক কেশৰাম বৰাই প্ৰয়াত তৰুণ গগৈৰ প্ৰতিছবিৰ সন্মুখত শ্ৰদ্ধাঞ্জলি জ্ঞাপন কৰে ৷

লগতে পঢ়ক:নতুন কৃষি আইনৰ সন্দৰ্ভত মধ্য প্ৰদেশৰ কৃষকক সম্বোধন কৰিব প্ৰধানমন্ত্ৰীয়ে