লখিমপুৰ, 27 মাৰ্চ: আৰক্ষী-অৰ্ধ সামৰিক বাহিনীৰে গিজগিজাই থকা লখিমপুৰ চহৰৰ মাজমজিয়াত সংঘটিত হৈছে এক ডকাইতি কাণ্ড (Lakhimpur robbery case) ৷ বাইকত অহা চাৰিজনীয়া ডকাইতৰ এটা দলে এগৰাকী ব্যৱসায়ীৰ পৰা লুটি নিয়ে নগদ প্ৰায় 11 লাখ টকা (Miscreant looted about eleven lakhs by showing gun) ৷ শনিবাৰে নিশা প্ৰায় 10 বজাত সংঘটিত এই ডকাইতি কাণ্ডটোৱে চাঞ্চল্যৰ সৃষ্টি কৰিছে সমগ্ৰ লখিমপুৰতে ৷
প্ৰাপ্ত তথ্য অনুসৰি, জগদম্বা হাৰ্ডৱেৰ ষ্টোৰ নামৰ বিপণীখনৰ স্বত্বাধিকাৰী বিনোদ কুমাৰ হৰলালকাই শনিবাৰে নিশা ব্যৱসায়িক প্ৰতিষ্ঠানখন বন্ধ কৰাৰ পিছত এগৰাকী কৰ্মচাৰীৰ সৈতে বাইকত ঘৰমুৱা হৈছিল ৷ কিন্তু আদবাটতে পূৰ্বৰে পৰা ৰৈ থকা এটি চাৰিজনীয়া ডকাইতৰ দলে আগুৰি ধৰে ব্যৱসায়ীগৰাকীক ৷
লখিমপুৰৰ আৰবাছ মাৰ্কেট(Arbus market in lakhimpur) ৰ সমীপত দুখনকৈ বাইকত ৰৈ থকা ডকাইতৰ দলটোৱে ব্যৱসায়ীজনক পিষ্টল দেখুৱাই ভীতি প্ৰদৰ্শন কৰি ধন কঢ়িয়াই অনা বেগটো কাঢ়ি ঘটনাস্থলীৰ পৰা পলায়ন কৰে ৷ অৱশ্যে এই সমগ্ৰ কাণ্ড বন্দী হৈ ৰয় চিচিটিভি কেমেৰাত ৷
সততে কঠোৰ নিৰাপত্তা বেষ্টনীৰে গিজগিজাই থকা আৰক্ষী-প্ৰশাসনৰ ফোঁপোলা স্বৰূপটো শনিবাৰে সংঘটিত ডকাইতি কাণ্ডটোৱে উদঙাই তুলিছে ৷ নিশা হ’লেই যে প্ৰশাসনেও নিৰাপত্তাৰ ক্ষেত্ৰত মূৰ পোলোকা দিয়ে, সেয়া যেন স্পষ্ট হৈ পৰিছে ৷
লগতে চাওক: পত্নীৰ কটা মূৰ হাতত লৈ থানাত উপস্থিত স্বামী
