লখিমপুৰ, 19 চেপ্তেম্বৰঃ লখিমপুৰ আৰক্ষীৰ জালত তিনি ডকাইত আৰক্ষীৰ জালত ব্যৱসায়ী অৰুণ কুমাৰ দত্তৰ ঘৰত সংঘটিত ডকাইটি কাণ্ডত জড়িত তিনিগৰাকী ডকাইত ৷ 17 তাৰিখৰ নিশা শ্বিলঙৰ লাতুমবাইৰ পৰা আটক হয় চৈয়দ আলি,আমজাদ আলি আৰু জব্বৰ আলি নামৰ ডকাইত কেইটাক গ্ৰেপ্তাৰ কৰিছে আৰক্ষীয়ে ৷ ধৃত ডকাইতকেইটাৰ পৰা আৰক্ষীয়ে তিনিটা মোবাইল ফোনৰ লগতে 70 হাজাৰ টকা জব্দ কৰিবলৈ সক্ষম হয় ৷ বৰ্তমানলৈকে ঘটনাৰ সৈতে জড়িত থকা 7 টাকৈ ডকাইতক গ্ৰেপ্তাৰ কৰিবলৈ সক্ষম হৈছে আৰক্ষীয়ে ৷
উল্লেখ্য যে,বিগত 5 চেপ্তেম্বৰত লখিমপুৰ আৰক্ষীৰ জালত পৰা তিনি ডকাইতে চিনাতলীত সংঘটিত কৰিছিল ডকাইতি কাণ্ড ৷ ব্যৱসায়ী অৰুণ কুমাৰ দত্তৰ বাসগৃহত নজনীয়া ডকাইতৰ দলে সংঘটিত কৰিছিল ডকাইতি ৷ নিশা প্ৰায় 2মান বজাত বাসগৃহৰ পিছফালৰ গ্ৰীল কাটি প্ৰৱেশ কৰিছিল ডকাইতৰ দলটো ৷ ব্যৱসায়ী কন্যাক হত্যাৰ ভাবুকি প্ৰদান কৰি ডকাইতৰ দলটোৱে লুটি নিছিল নগদ ধনৰ লগতে সোণৰ অলংকাৰ ৷ ডকাইতৰ আক্ৰমণত গুৰুতৰভাৱে আঘাতপ্ৰাপ্ত হৈছিল ব্যৱসায়ী অৰুণ কুমাৰ দত্ত ৷
ঘটনাৰ পিচতে লখিমপুৰ আৰক্ষীয়ে আৰম্ভ কৰিছিল তদন্ত ৷ ঘটনাৰ সৈতে জড়িত থকা ডকাইতৰ সন্দৰ্ভত আৰক্ষীয়ে লাভ কৰা তথ্যৰ ভিত্তিতে বৰ্তমানলৈ গ্ৰেপ্তাৰ হয় 7টাকৈ ডকাইত ৷
