লখিমপুৰ, 13 জানুৱাৰীঃ প্ৰতিবাদ-আন্দোলনৰ মাজতে কাইলৈ ভোগালী বিহুৰ উৰুকা ৷ বিহুৰ প্ৰস্তুতিত ব্যস্ত প্ৰতিগৰাকী অসমীয়া ৷ ভোগালী বিহুৰ উৰুকা উপলক্ষে লখিমপুৰৰ কুটুহীগুৰিত প্ৰায় এশ ঘৰ মানুহে একগোট হৈ আয়োজন কৰিছে ভোজ আৰু কিছু ব্যতিক্ৰমী কাৰ্যসূচীৰ ৷
ইতিমধ্যে গাঁৱৰ ৰাইজে নিৰ্মাণ কৰি উলিয়াইছে ৰংঘৰৰ আৰ্হিত ভেলাঘৰ ৷ উৰুকাৰ নিশা গাঁওবাসীয়ে একেলগে এসাজ খাব এই ব্যতিক্ৰমী ভেলাঘৰত ৷ ইয়াৰ লগতে বিহুৰ দিনা পুৱা সমগ্ৰ গাঁওবাসীয়ে মেজিৰ জুইক সাক্ষী কৰি CAA বাতিলৰ দাবীৰে নিজৰ সংগ্ৰাম অব্যাহত ৰখাৰ সংকল্প গ্ৰহণৰ কথা প্ৰকাশ কৰে ৷
মেজিৰ অগ্নিক সাক্ষী কৰি CAA বাতিলৰ সংগ্ৰাম অব্যাহত ৰাখিব লখিমপুৰবাসীয়ে
লগতে পঢ়কঃ মা কামেশ্বৰী আৰু কামেশ্বৰদেৱৰ বিবাহৰ বাবে নীলাচলৰ বুকুত ভক্তৰ পদধূলা
