লখিমপুৰ, 18 মে' : ক্ৰমাৎ ৰহস্যৰ আৱৰ্তত সোমাই পৰিছে নগাঁও জিলাৰ মৰিকলং আৰক্ষী থানাৰ আৰক্ষী উপ-পৰিদৰ্শক জোনমণিৰ ৰাভাৰ আকস্মিক মৃত্যুৰ ঘটনাই (Junmoni Rabha Mysterious death)৷ যোৱা 16 মে’ৰ নিশা জখলাবন্ধাত দুৰ্ঘটনাত পতিত হৈ মৃত্যু হোৱা অৱস্থাত উদ্ধাৰ কৰা হৈছিল জোনমণিৰ মৃতদেহ ৷ ইয়াৰ পিচতে ঘটনা সন্দৰ্ভত চৰকাৰৰ নিৰ্দেশানুসৰি চি আই ডিয়ে আৰম্ভ কৰিছে জোনমণিৰ মৃত্যুৰ তদন্ত ৷
এনে সময়তে শেহতীয়াকৈ পোহৰলৈ আহিছিল জোনমণি ৰাভাই লখিমপুৰৰ লখিমপুৰৰ দুই নং বৰচলাত যোৱা 6 মে’ তাৰিখে আজগৰ আলীৰ বাসগৃহত অভিযান চলাইছিল ৷ তাৰ পিচতে আজগৰৰ মাতৃ আমিনা খাতুনে যোৱা 12 মে’ত জোনমণি ৰাভাৰ বিৰুদ্ধে লখিমপুৰ সদৰ থানাত এখন এজাহাৰ দাখিল কৰিছিল (Amina khatun And Ajgar Ali reaction)৷
ইফালে জোনমণি ৰাভাৰ মৃত্যুৰ ঘটনাত লখিমপুৰ জিলাৰ নাওবৈছাৰ বৰচলাত চলিছে CID ৰ তালাচী অভিযান৷ বুধবাৰে নিশা লখিমপুৰত উপস্থিত হোৱা চিআইডিৰ তিনি জনীয়া দল এটাই পুৱাৰে পৰা জিলাখনৰ বিভিন্ন স্থানত অভিযান চলাই আছে (Ajgar Ali commented on Junmoni Rabha raid) ৷ বৃহস্পতিবাৰে দলটোৱে পুৱা প্ৰথম অভিযান চলাই জোনমণি ৰাভাই অভিযান চলোৱা আমিনা বেগমৰ বাসগৃহত ৷
CIDৰ দলটোৱে জোনমণি ৰাভাই আটক কৰি পাচত এৰি দিয়া আমিনা খাতুনৰ পুত্ৰ আজগৰ আলীক বিচাৰি গৈছিল যদিও আত্মগোপন কৰিছিল আজগৰে ৷ লখিমপুৰ আৰক্ষীৰ সহযোগত আজগৰ আলীৰ বাসগৃহত CID য়ে চলোৱা অভিযানকালত আজগৰৰ মাতৃ আমিনা খাতুনক জেৰা চলাই (CID raid in Lakhimpur) ৷
আনহাতে CID যে অভিযান চলাই যোৱাৰ পাচতে আজগৰ আলীয়ে মুকলি আকাশৰ তললৈ আহি সংবাদ মাধ্যমৰ আগত প্ৰকাশ কৰে সমগ্ৰ ঘটনা । প্ৰকৃততে কি হৈছিল সেই নিশা৷ আজগৰে কয়, "নিশাই আমাৰ ঘৰৰ দুৱাৰৰ টুকুৰিওৱাত মই দুৱাৰখন খুলি দিয়াৰ লগে লগে মোক জোনমণি ৰাভাই মোৰ হাতত হেণ্ডকাফ লগাইছিল ৷ মই বাৰে বাৰে মোৰ অপৰাধ কি বুলি সোধাৰ পিচতো কোনো উত্তৰ দিয়া নাছিল আৰক্ষীয়ে৷ লগে লগে তেওঁলোকে মোৰ ঘৰত তালাচী চলাই 80,000 টকা লৈ যোৱা লগতে মোৰ ভাতৃৰ ব্ৰীজা গাড়ীখনো লৈ যায়৷ মোক গাড়ীত উঠাই আৰক্ষী বিষয়াগৰাকীয়ে নগাঁৱলৈ যাব লাগিব বুলি কৈছিলে৷ মই বাবে বাৰে মোৰ অপৰাধ কি বুলি সোধাৰ পিচতো কোনো উত্তৰ দিয়া নাছিল জোনমণি মে’মে৷ ইয়াৰ পিচতে পুৱা পোহৰ হওঁতেই তেওঁলোকে বঙালমাৰাৰ কেইঘৰমান লোকৰ ঘৰত তালাচী চলাইছিল ৷ অভিযান শেষ কৰি চাহ খাবলৈ দুবাৰকৈ গাড়ী ৰখোৱা হৈছিল ৷ মোকো চাহ খাবলৈ দিওঁতে মই নাখাওঁ বুলি কোৱাৰ বাবে মোক অশ্লীল শব্দ কৈ গালি পাৰি মোৰ চাহৰ কাপটো দলিয়াই দিছিল জোনমণি ৰাভাৰ লগত অহা ৰিয়াজুল নামৰ এজন ল’ৰাই ৷ জোনমণি ৰাভাৰ লগত যোৱা দলটোৰ লগত অহা ৰাজা নামৰ লোকজনৰ ঘৰত মোৰ ঘৰৰ পৰা অনা গাড়ীখন থৈ দিয়া হৈছিল ৷ 6 লাখ টকা দিলেহে এই গাড়ীখন উলিয়াই দিয়া হ’ব আমাৰ ঘৰৰ লোকক কৈ থৈ গৈছিলআৰক্ষীসহ লগত অহা লোককেইজনে ৷ সেইমতে আমাৰ ঘৰৰ লোকে তেওঁলোকক আধা ধন অনলাইনযোগে আৰু আধা নগদ ধন প্ৰদান কৰিছিল ৷"
এই টকা আদায় দিয়াৰ পিচতে গাড়ীসহ আজগৰক এৰি দিয়ে জোনমণি ৰাভাসহ দলটোৱে ৷ ইয়াৰ ভিতৰত 90 হাজাৰ টকা ৰিয়াজুল ইছলামৰ একাউন্ট যোগেও আদায় কৰা হয় বুলি সদৰী কৰিছিল আজগৰে (FIR against Junmani Rabha)৷
উল্লেখ্য যে, জোনমণি ৰাভাৰ মৃত্যুৰ পাচতেই এতিয়া সমগ্ৰ অসমৰ লগতে লখিমপুৰ জিলাত ব্যাপক চৰ্চা লাভ কৰিছে ৷ চি আই ডিৰ অভিযানত এই ঘটনাই কোনফালে মোৰ লয় সেইয়া হ’ব লক্ষণীয় ৷
লগতে পঢ়ক: FIR against Jonmani Rabha: মৃত্যুৰ পূৰ্বে জোনমণিৰ বিৰুদ্ধে ৰুজু হৈছিল যুৱকক নিৰ্যাতনৰ গোচৰ
