পথ দুৰ্ঘটনাঃথিতাতে নিহত এজন চালক

কোকৰাঝাৰ জিলাৰ ফকিৰাগ্ৰামত নিয়ন্ত্ৰণ হেৰুৱাই পথৰ দাঁতিত বাগৰি পৰে এখন মাটি কঢ়িওৱা ট্ৰেক্টৰ ৷ ফলত থিতাতে নিহত হয় চালকজন ৷

কোকৰাঝাৰ,27 এপ্ৰিল: কোকৰাঝাৰ জিলাৰ ফকিৰাগ্ৰাম থানাৰ অন্তৰ্গত বিন্নাছাৰাত মঙলবাৰে বিয়লি সংঘটিত হৈছে এটা ভয়ংকৰ পথ দুৰ্ঘটনা ৷ উক্ত পথ দুৰ্ঘটনাটোত থিতাতে মৃত্যু হয় এজন ট্ৰেক্টৰ চালকৰ ৷ নিহত চালকজন ফকিৰাগ্ৰাম এলেকাৰে চোকাপাৰা গাঁৱৰ নুৰ নবী (20 ) বুলি চিনাক্ত কৰা হৈছে ৷

ঘটনা অনুসৰি, টেক্টৰ চালক নুৰ নবীয়ে বিন্নাছাৰা গাঁৱত ট্ৰেক্টৰৰে মাটি কঢ়িওৱা কাম কৰি আছিল ৷ মাটি কঢ়িয়াই থকা অৱস্থাতে নিয়ন্ত্ৰণ হেৰুৱাই ট্ৰেক্টৰখন পথৰ দাঁতিৰ দখাৱৈত বাগৰি পৰে ৷ ফলত ট্ৰেক্টৰ খনৰ চালক নুৰ নবী থিতাতে নিহত হয় ৷

ততালিকে স্থানীয় ৰাইজে উক্ত দুৰ্ঘটনাটোৰ খবৰ আৰক্ষীক অৱগত কৰে ৷ ঘটনাস্থলীত আৰক্ষী উপস্থিত হৈ নুৰ নবীৰ মৃতদেহ উদ্ধাৰ কৰাৰ লগতে মৰণোত্তৰ পৰীক্ষাৰ বাবে কোকৰাঝাৰ অসামৰিক চিকিৎসালয়লৈ প্ৰেৰণ কৰিছে বুলি জানিব পৰা গৈছে ৷

লগতে পঢ়ক-ধুমুহাই তচনচ কৰিলে নাৰায়ণপুৰৰ বহু লোকৰ বাসগৃহ