কোকৰাঝাৰ, 23 আগষ্টঃ বাংলাদেশৰ পৰা কোকৰাঝাৰত শিক্ষাগ্ৰহণ কৰিবলৈ অহা 7 জনীয়া শিক্ষাৰ্থীক উষ্ম আদৰণি ৷ বৃহস্পতিবাৰৰ নিশা কোকৰাঝাৰ এক অনুষ্ঠানত আদৰণি জনাই শিক্ষাৰ্থী কেইগৰাকীক ৷ বড়ো সমাজৰ পৃষ্ঠপোষকতাত পঢ়িবলৈ অহা ছাত্ৰ-ছাত্ৰীৰ দলটোক কোকৰাঝাৰ বিজ্ঞান মহাবিদ্যালয়ৰ প্ৰেক্ষাগৃহত আদৰণি সভাৰ আয়োজন কৰা হয় ৷ ৰাজ্য সভাৰ সাংসদ বিশ্বজিত দৈমাৰীৰ নেতৃত্বত আয়োজন কৰা সভাত বড়ো সাহিত্য সভা, বাথৌ মহাসভা, এবছুকে ধৰি বহু জাতীয় দল সংগঠনে শিক্ষাৰ্থী দলটোক আদৰণি জনায় ।
আনহাতে, বিশ্বজিত দৈমাৰীয়ে এইয়া শুভলক্ষণ বুলি কোৱাৰ উপৰিও বাংলাদেশৰ বড়ো আৰু অসম তথা বিটিএডিৰ বড়ো সমাজত সংস্কৃতিক বিনিময় কাৰ্যকসূচীৰ ওপৰতো গুৰুত্ব আৰোপ কৰিব বুলি মন্তব্য কৰে । আদৰণি সভাত বিটিচিৰ শিক্ষা বিভাগৰ কাৰ্যবাহী সদস্য খামফা বর্গয়াৰী, বিটিচি শিক্ষা বিভাগৰ সঞ্চালক ৰবি শংকৰ বর্গয়াৰী, বিটিচিৰ জুতিয়া সচিব দীনেশ বড়ো, বিভিন্ন মহাবিদ্যালয়ৰ অধ্যক্ষকে ধৰি দল সংগঠনৰ নেতাই অংশগ্ৰহণ কৰে ৷
