কৰিমগঞ্জ , ১৩ মাৰ্চ : কৰিমগঞ্জত বুধবাৰে চিকিৎসালয়ৰ চৌহদৰ পৰা চাইকেল চুৰ কৰিবলৈ গৈ হাতে লোটে ধৰা পৰিল এটা গভাইত চোৰ । স্থানীয় ৰাইজে উত্তম মধ্যম সোধাই আৰক্ষীৰ হাতত গতাই দিয়ে চোৰটোক ।
আৰক্ষীৰ জালত পৰিল গভাইত চোৰ
তথ্য অনুসৰি বিশু দাস নামৰ চোৰজনে কৰিমগঞ্জ অসামৰিক চিকিৎসালয়ৰ চৌহদত ৰখাই থোৱা এখন চাইকেলৰ চাবি খোলাৰ চেষ্টা কৰি আছিল ৷ কিন্তু চাইকেল খনৰ চাবি খুলিব নোৱাৰাত চাইকেল খনকে দাঙি লৈ যায় ৷ অৱশ্যে চিকিৎসালয়ত কৰ্মৰত এজন কৰ্মীৰ তৎপৰতা আৰু স্থানীয় ৰাইজৰ সহযোগিতাত চোৰজনক কৰায়ত্ব কৰিবলৈ সক্ষম হয় ৷ ইপিনে চোৰ জনক আটক কৰি ৰাইজে চোৰজনক লপাথপা সোধাই আৰক্ষীক গতাই দিয়ে ৷
