কৰিমগঞ্জ,21জুলাই: ''অকৰ্মণ্যতাৰ বাবে যদি কোনো ন'বেল পুৰষ্কাৰ আছে,তেন্তে সেয়া ৰাজ্যৰ স্বাস্থ্যমন্ত্ৰী ড0 হিমন্ত বিশ্ব শৰ্মাই লাভ কৰা উচিত''-এই মন্তব্য উত্তৰ কৰিমগঞ্জৰ কংগ্ৰেছী বিধায়ক কমলাক্ষ দে পুৰকায়স্থৰ ৷ মঙলবাৰে ৰাজ্যৰ স্বাস্থ্য বিভাগৰ বিৰুদ্ধে গৰজি উঠে কংগ্ৰেছ বিধায়কগৰাকী ৷ বিধায়কগৰাকীয়ে বিভাগীয় গাফিলতি আৰু দায়সৰা মনোভাৱৰ বাবে ৰাজ্যত কৰোণা আক্ৰান্ত ৰোগীৰ সংখ্যা বৃদ্ধি পোৱা বুলি উল্লেখ কৰি কৰিমগঞ্জ জিলাতো গণ সংক্ৰমণৰ ঘটনা প্ৰতিদিনে বৃদ্ধি পাবলৈ লৈছে বুলি উল্লেখ কৰে ৷ চৰকাৰী নিয়মক অৱজ্ঞা কৰি বজাৰ কৰিবলৈ শতাধিক লোক ওলাই আহিছে ৷ যাৰ বাবে গণ সংক্ৰমণৰ ভয়াৱহ পৰিস্থিতিৰ সৃষ্টি হোৱাৰ আশংকা কৰিছে বিধায়ক কমলাক্ষ দে পুৰকায়স্থই ৷
ইফালে, পিপিই কিট পিন্ধি ফ্লাইটৰ সন্মুখত ফটো উঠা,এজন ছাত্ৰক ঘৰলৈ যোৱাৰ সময়ত চার্টার্ড ফ্লাইটেৰে শিলচৰলৈ অহা,পিপিই কীট পিন্ধি আইচ'লেশ্যন কোঠাত যোৱা,কোটাৰ পৰা অহা ছাত্ৰসকলক স্বাগতম জনোৱাৰ বাহিৰে বৰ্তমান অসমত একোৱে হোৱা ৷ পৰ্যাপ্ত সুবিধা ৰাজ্যৰ স্বাস্থ্যবিভাগে কৰোণা আক্ৰান্ত ৰোগীক দিব পৰা নাই বুলি বিধায়কগৰাকীয়ে অভিযোগ উত্থাপন কৰে ৷ এইবোৰৰ বাবে ৰাজ্যৰ প্ৰভাৱশালী আৰু প্ৰতাপী মন্ত্ৰীসকলক পুৰষ্কাৰেৰে পুৰষ্কৃত কৰাৰ অত্যন্ত প্ৰয়োজন হৈ পৰিছে বুলি উল্লেখ কৰে কংগ্ৰেছ বিধায়ক কমলাক্ষ দে পুৰকায়স্থই ৷
অন্য এক খবৰৰ বাবে: আৱাসিক এলেকাত কোভিড কেয়াৰ কেন্দ্ৰ স্থাপনৰ অনুমতি কেন্দ্ৰীয় চৰকাৰৰ
আনহাতে, আজি কৰিমগঞ্জ জিলাৰ কৰ'ণা আক্ৰান্ত ৰোগীসকলৰ পৰিস্থিতিৰ বুজ লব'লৈ জিলাখনত উপস্থিত হয় ৰাজ্যৰ স্বাস্থ্যমন্ত্ৰী পীযুষ হাজৰিকা ৷
