ডিফু, 25মে': বকলীয়াঘাটত সংঘটিত হৈছে বিধ্বংসী অগ্নিকাণ্ডৰ ঘটনা ৷ জানিব পৰা মতে, লকডাউনৰ মাজতে পাহাৰীয়া জিলা কাৰ্বি আংলং জিলাৰ বকলীয়াঘাট থানাৰ অন্তৰ্গত ৰজাপথাৰত এই ভয়ংকৰ অগ্নিকাণ্ড সংঘটিত হয় ৷ অগ্নিকাণ্ডৰ ফলত জগন্নাথ বনিক নামৰ এজন লোকৰ ঘৰ সম্পূৰ্ণৰূপে ভস্মীভূত হয় । স্থানীয় ৰাইজ আৰু অগ্নিনিৰ্বাপক বাহিনীৰ তৎপৰতাত জুই নিৰ্বাপিত হয় যদিও বৰ্তমানেও অগ্নিকাণ্ডৰ কাৰণ জানিব পৰা হোৱা নাই ।
উল্লেযোগ্য যে, জগন্নাথ বনিকৰ যোৱা সোমবাৰে মৃত্যু হৈছিল । জগন্নাথ বনিকৰ মৃত্যুৰ এসপ্তাহ নহওঁতেই অগ্নিকাণ্ডৰ দৰে ঘটনা সংঘটিত হোৱাৰ ফলত এতিয়া দৰিদ্ৰ পৰিয়ালটোৰ ওপৰত সৰগ ভাগি পৰিছে । মাতৃ আৰু দুগৰাকী জীয়ৰীসহ তিনিজনীয়া পৰিয়ালটোক পুনৰ সংস্থাপনৰ বাবে সহায় সহযোগিতা আগবঢ়াবলৈ চৰকাৰক স্থানীয় ৰাইজে অনুৰোধ জনাইছে ।
লগতে পঢ়কঃকোৱাৰেণ্টাইন চেণ্টাৰৰ ভিতৰতে যুগ্ম জীৱনৰ পাতনি মেলিলে দৰা-কইনাই
