ৰাতাবাৰীত জব্দ 20 লাখ টকা
শনিবাৰে ৰাতাবাৰী সমষ্টিৰ অন্তৰ্গত ঈশান ছৰা অঞ্চলত এখন ব্যক্তিগত বাহনৰ পৰা আৰক্ষী আৰু ফ্লায়িং স্কোৱাডৰ সহযোগত ষ্টেটিক ছাৰ্ভিলেঞ্চ টিমে জব্দ কৰে নগদ 20 লাখ টকা । নিৰ্বাচনৰ পূৰ্বে ৰাজ্যৰ ভিন্ন প্ৰান্তত এনেদৰে উদ্ধাৰ হৈছে নগদ ধন ৷
অভিজিৎ হাজৰিকা আৰু বেণুধৰ নাথৰ টিকট লাভ
শনিবাৰে নিশা গুৱাহাটীৰ তাজ ভিভাণ্টা হোটেলত কংগ্ৰেছে প্ৰকাশ কৰিলে প্ৰথমখন প্ৰাৰ্থী তালিকা । তালিকা অনুসৰি ৭৪ নং ৰঙাপৰা বিধানসভা সমষ্টি আৰু ৭১ নং ঢেকিয়াজুলি বিধানসভা সমষ্টিত ভাৰতীয় জাতীয় কংগ্ৰেছ দলে প্ৰাৰ্থিত্ব প্ৰদান কৰিছে ক্ৰমে অভিজিৎ হাজৰিকা আৰু বেণুধৰ নাথক ৷
মহাজোঁটবন্ধন কৰি বৰাকত সংকটত পৰিছে কংগ্ৰেছ
বিজেপিক প্ৰতিহত কৰিবলৈ মহাজোঁটবন্ধন কৰি সংকটত পৰিছে কংগ্ৰেছ ৷ বিগত চাৰি দিন ধৰি কংগ্ৰেছৰ স্ক্ৰীনিং কমিটীৰ বৈঠক অনুষ্ঠিত হৈ আহিছে যদিও আসন বুজাবুজিৰ লগতে প্ৰাৰ্থী তালিকা প্ৰকাশ কৰিব পৰা নাই কংগ্ৰেছে ৷ অংশীদাৰ দল বি পি এফক 12 টা সমষ্টি আৰু তিনিটা বাওঁদলক 4 টা সমষ্টি এৰি দিয়া কংগ্ৰেছে এ আই ইউ ডি এফৰ লগত আসন বুজাবুজিৰ ক্ষেত্ৰত সহমতত উপনীত হ'ব পৰা নাই কংগ্ৰেছ৷ বিশেষকৈ বৰাকৰ সমষ্টি কেইটা ভাগ বটোৱাৰা কৰাৰ ক্ষেত্ৰত সমস্যাৰ সৃষ্টি হৈছে ৷
ফুলাম গামোচাৰে উষ্ম আদৰণি ৰূপক শৰ্মাক
নগাঁও সদৰ সমষ্টিৰ বাবে বিজেপি নেতা ৰূপক শৰ্মাক মনোনীত কৰাত বিপুল আদৰণি জনাই সহস্ৰাধিক দলীয় কৰ্মী আৰু সমৰ্থকে । প্ৰাৰ্থিত্ব লাভৰ পাচতে শৰ্মাক বিশাল মটৰ চাইকেল ৰেলীৰে আদৰি আনিলে সমৰ্থকসকলে ৷
মণিলাল গোৱালাৰ দল এৰাৰ ভাবুকি
পাথাৰকান্দি সমষ্টিত টিকট বঞ্চিত হোৱাৰ আভাষ পাই শনিবাৰে দল এৰাৰ ভাবুকি জ্যেষ্ঠ কংগ্ৰেছী নেতা মণিলাল গোৱালাৰ ৷
কংগ্ৰেছে প্ৰকাশ কৰিলে প্ৰথমখন প্ৰাৰ্থী তালিকা
গুৱাহাটীৰ তাজ ভিভাণ্টা হোটেলত সকলোৰে সন্মতি সাপেক্ষে শনিবাৰে নিশা কংগ্ৰেছে প্ৰকাশ কৰিলে ৪০ টাকৈ বিধানসভা সমষ্টিৰ প্ৰথমখন প্ৰাৰ্থীৰ তালিকা ।
অজাপৰ প্ৰাৰ্থীত্ব লাভৰ পাচতে বিশাল বাইক ৰেলীৰে আদৰি আনিলে অজয় তাঁতীক
ৰঙাপৰা বিধানসভা সমষ্টিত অজয় তাঁতীক অজাপৰ প্ৰাৰ্থিত্ব প্ৰদান ৷ প্ৰাৰ্থীত্ব লাভৰ পাচতে বিশাল মটৰ চাইকেল ৰেলীৰে আদৰি আনিলে সমৰ্থকে ৷
চিলাপথাৰত নিৰুদ্দেশ মাতৃ-কন্যা
চিলাপথাৰৰ পৰা নিৰুদ্দেশ মাতৃ সহ চাৰে চাৰি বছৰীয়া কন্যা ৷ চিলাপথাৰ আৰক্ষী থানাৰ অধীনৰ নতুন মিচিং গাঁৱৰ তানু পাইতৰ পত্নী লমতেন বাংছিয়া পাইত আৰু কন্যা বাৰ্বী পাইত বিগত 2 মাৰ্চৰ পৰা সন্ধানহীন হৈ আছে ৷
গুজৰাটত জৰুৰী অৱতৰণ ভাৰতীয় সেনাৰ হেলিকপ্তাৰ
জৰুৰীকালীন অৱতৰণ ভাৰতীয় সেনাৰ এখন হেলিকপ্তাৰ ৷ গুজৰাটৰ খেডা জিলাৰ মহুদা তালুকৰ বীনা গাঁৱৰ এখন ফাৰ্মত অৱতৰণ বিমানখনৰ । যান্ত্ৰিক বিজুতিৰ ফলত জৰুৰীকালীন অৱতৰণ কৰে বিমানখনে । এই ঘটনাত কোনো আহত হোৱা নাই বুলি সেনাৰ সূত্ৰত প্ৰকাশ ।
নিজ দেশৰ নাগৰিকক ভাৰতৰ পৰা ঘূৰাই পঠিওৱাৰ আহ্বান ম্যানমাৰৰ
অবৈধভাৱে মিজোৰামত প্ৰৱেশ কৰা ম্যানমাৰৰ নাগৰিকক ম্যানমাৰলৈ প্ৰত্যাৱৰ্তনৰ বাবে আহ্বান জনালে ম্যানমাৰৰ ফালাম জিলাৰ উপায়ুক্তই । মিজোৰামৰ চম্ফাই জিলাৰ উপায়ুক্তলৈ এখন পত্ৰ প্ৰেৰণ কৰি ফালাম জিলাৰ উপায়ুক্তই এই আহ্বান জনাইছে । শনিবাৰে এই কথা নিশ্চিত কৰিলে চম্ফাই জিলাৰ উপায়ুক্ত মাৰিয়া চি টি জুৱালিয়ে ।
