1 বজাৰ শীৰ্ষ দহটা বাতৰি...

1 বজাৰ শীৰ্ষ দহটা বাতৰি...

শিৱসাগৰৰ দিখৌপাৰত ১৯০৪ চনৰ ১৯ আগষ্টত জন্মগ্ৰহণ কৰা পাৰ্বতী প্ৰসাদ বৰুৱাই জীৱনৰ বেছিভাগ সময় সোণাৰিৰ সোণালীপাম নামৰ গৃহত অতিবাহিত কৰিছিল ৷ এই সোণালী পামৰ নিগাজী ঘৰত বহিয়েই শিল্পী গৰাকীয়ে ৰচনা কৰিছিল বহু গীত আৰু কবিতা ৷ অসমীয়া সাহিত্যলৈ উল্লেখনীয় অৱদান আগবঢ়োৱা এই গৰাকীৰ শিল্পীৰ মৃত্যু হৈছিল ১৯৬৪ চনৰ আজিৰ দিনটোতে ৷

দেশত অব্যাহত আছে কৰ’ণা মহামাৰীৰ দ্বিতীয় ঢৌৰ সংহাৰ ৷ কৰ’ণাৰ ভয়াৱহতাৰ ফলত দেশৰ কেবাখনো ৰাজ্যত লকডাউন ঘোষণা কৰাৰ লগতে বহু ৰাজ্যত জাৰি কৰা হৈছে নৈশ সান্ধ্য আইন ৷ আহক চাওঁ দেশত ক‘ভিডত আক্ৰান্ত, মৃত্যু আৰু আৰোগ্য হোৱা লোকৰ শেহতীয়া তথ্য...

গহপুৰ বাকৰিদলনী-কাৱৈমাৰী সংযোগী পথচোৱাৰ দুৰৱস্থাত অতিষ্ঠ হৈ পৰিছে ৰাইজ ৷ পথটোৰ মেৰামতিৰ দাবীত প্ৰতিবাদ সাব্যস্ত কৰিলে কাৱৈমাৰী অঞ্চলৰ ৰাইজে । একাঁঠু বোকাত খোজকাঢ়ি পাৰ হোৱাটো এতিয়া অসম্ভৱ হৈ পৰিছে । বিশেষকৈ উক্ত পথটিৰে ইটাভাটালৈ দৈনিক ডাম্পাৰ, ট্ৰেক্টৰ আদিৰ অধিক চলাচল হয় । যাৰ ফলত অতি শোচনীয় হৈ পৰিছে কাৱৈমাৰী অঞ্চলৰ পথটি ।

জকাই বৰবিলৰ বৃদ্ধ দম্পতীৰ দুৰ্বিসহ জীৱন কাহিনী Etv Bharat ত প্ৰচাৰ হোৱাৰ পাচতে সহায়ৰ বাবে আগবাঢ়ি আহে ডিব্ৰুগড় জিলা সাংবাদিক সুৰক্ষা মঞ্চৰ লগতে মৰাণ-সোণোৱাল কছাৰী উন্নয়ন সমিতি আৰু স্থানীয় সমাজকৰ্মী মোহন সোণোৱাল । বৃদ্ধ দম্পতীটোৰ উৰুখা পঁজাটি মেৰামতি কৰিবৰ বাবে দায়িত্ব গ্ৰহণ কৰিছে ডিব্ৰুগড় জিলা সাংবাদিক সুৰক্ষা মঞ্চই ৷

শিলচৰ মেডিকেল কলেজত ভয়ংকৰ ঘটনা ৷ মেডিকেল কলেজখনৰ একাংশ চিকিৎসকৰ বাবে প্ৰাণ গ'ল 56 দিনীয়া এটি নৱজাতকৰ ৷ নৱজাতকটিৰ পিতৃ-মাতৃক আক্ৰমণ কৰাৰো অভিযোগ উত্থাপন হৈছে ৷ ইতিমধ্যে ঘটনা সন্দৰ্ভত দাখিল কৰা হৈছে এজাহাৰ ৷

কলগাছিয়াৰ টাপেশ্বৰা গাঁও পঞ্চায়তত পথ নিৰ্মাণৰ নামত সংঘটিত হৈছে ব্যাপক দুৰ্নীতি । সভানেত্ৰী ৰেহেনা খাতুন আৰু পঞ্চায়ত সদস্যৰ বিৰুদ্ধে আঁচনিৰ ধন আত্মসাৎ কৰাৰ উঠিছে অভিযোগ । তদন্তৰ দাবীত ৰাইজে সাব্যস্ত কৰে প্ৰতিবাদ ৷

নবীন নগৰ ৱেলফেয়াৰ চ'ছাইটিৰ যুটীয়া সম্পাদিকা মৌচুমী শৰ্মা বৰদলৈয়ে অভিযোগ যে ১৮ ৰ পৰা ২০ মহলীয়া অট্টালিকা নিৰ্মাণ হলে বৃহৎ এই অঞ্চলটোৰ ৰাইজৰ জীৱন দুৰ্বিহ হৈ পৰিব । কৃত্রিম বানপানীৰ দীৰ্ঘদিনীয়া সমস্যা আৰু অধিক ভয়াৱহ হৈ পৰিব । মন্ত্রী অশোক সিংঘলৰ বিৰুদ্ধে ক্ষমতাৰ অপপ্ৰয়োগ কৰাৰ অভিযোগ ।

গীতে-মাতে মুখৰিত মৰাণৰ জৱাহৰ নবোদয় বিদ্যালয়ৰ ক’ভিড কেয়াৰ কেন্দ্ৰ(covid care centre) ৷ ক’ভিডক জয় কৰিবলৈ ক’ভিড ৰোগীয়ে প্ৰাৰ্থনা, নৃত্য আৰু বাদ্যযন্ত্ৰ বজাই কৰিছে আনন্দ ৷ এতিয়া মৰাণৰ এই ক’ভিড কেয়াৰ কেন্দ্ৰ(covid care centre)টোৱে সকলোৰে দৃষ্টি কৰিবলৈ সক্ষম হৈছে ৷

বঙাইগাঁও জিলাৰ মাণিকপুৰৰ কোকিলাত অৰ্ধনিৰ্মিত এটা পথৰ দুৰৱস্থাৰ বাবে এতিয়া জৰুৰীকালীন সেৱাৰ লগতে ব্যাহত হৈ পৰিছে সাধাৰণ যাতায়াত ব্যৱস্থা ৷ পথটোৱে কীৰ্তনপাৰা, গোলাপাৰা, নাম্বাৰপাৰা, চাকলা, কোকিলা হৈ বৰপেটা জিলাৰ কলগাছিয়াৰ সৈতে সংযোগ স্থাপন কৰিছে ৷

মাৰ্ঘেৰিটা আৰক্ষী থানাৰ অন্তৰ্গত কেটেতং বাবু পথাৰত সংঘটিত হয় এক ভয়াৱহ পথ দুৰ্ঘটনা ৷ দুখন বিপৰীত দিশৰ পৰা অহা বাইকৰ সংঘৰ্ষৰ ফলত হোৱা দুৰ্ঘটনাত নিহত হয় এজন পশু চিকিৎসক আৰু আহত হয় এজন ৷