ৰঙাপৰা, 1 ছেপ্টেম্বৰঃ শোণিতপুৰ জিলাৰ ৰঙাপৰা বিধান সভা সমষ্টিৰ কাষেৰে বৈ যোৱা গাভৰু নৈৰ প্ৰবল গৰাখহনীয়াই সৃষ্টি কৰিছে আতংক । নৈৰ বুকুত জাহ গ’ল দুখীয়া কৃষক ৰাইজৰ শ শ কৃষিভূমি। ৰঙাপৰাৰ ভেলোৱাটাৰ গাঁৱত গাভৰু নৈয়ে প্ৰত্যেক বছৰে ভয়ংকৰ গৰাখহনীয়াৰ সৃষ্টি কৰি অহাত চিন্তিত হৈ পৰিছে কৃষক ৰাইজ । আনহাতে খহনীয়া প্ৰতিৰোধ নোহোৱাৰ বাবেই জাহ গ’ল কৃষক ৰাইজৰ কৃষি ভূমি।
ৰঙাপৰাত গাভৰু নৈৰ গৰাখহনীয়াত জাহ গ'ল বহু বিঘা কৃষিভূমি
অনাগত দিনত বিভাগীয় কৰ্তৃপক্ষই প্ৰতিৰোধৰ ব্যৱস্থা গ্ৰহণ নকৰিলে কৃষি ভূমি নদীৰ বুকুত জাহ যোৱাটো এক প্ৰকাৰৰ নিশ্চিত হৈ পৰিছে । ইফালে, দীৰ্ঘদিনৰে পৰা স্থানীয় ৰাইজে জলসম্পদ বিভাগক গৰাখনহীয়া প্ৰতিৰোধৰ ব্যৱস্থা গ্ৰহণ কৰিবলৈ দাবী জনাই অহাৰ পাচতো এই ক্ষেত্ৰত কোনো ধৰণৰ পদক্ষেপ নোলোৱাত ক্ষোভিত হৈ পৰিছে ভুক্তভোগী ৰাইজ ৷
