বাইহাটা চাৰিআলি, ১৫ নৱেম্বৰঃ বাইহাটা চাৰিআলিত অনুষ্ঠিত হোৱা দুখনকৈ ৰাস মহোৎসৱত উপস্থিত হয় গড়কাপ্তানি আৰু স্বাস্থ্য বিভাগৰ মন্ত্ৰী ড০ হিমন্ত বিশ্ব শৰ্মা ।
শুৱালকুছিৰ পাট-মুগা কাপোৰ সন্দৰ্ভত মন্তব্য কৰি মন্ত্ৰী গৰাকীয়ে কয় যে, শুৱালকুছিৰ কাপোৰ বুলি অন্য ঠাইৰ পৰা অনা কাপোৰ বিক্ৰি কৰি ৰাইজক প্ৰৱঞ্চনা কৰিলে চৰকাৰে গ্ৰহন কৰিব কঠোৰ ব্যৱস্থা । বেনাৰছৰ পৰা বা অন্য ঠাইৰ মেচিনত বনোৱা কাপোৰ শুৱালকুছিৰ কাপোৰ বুলি বিক্ৰি কৰা সন্দৰ্ভত কাৰোবাৰ হাতত কিবা খবৰ থাকিলে আৰক্ষীক জনালে তৎকালে ব্যৱস্থা গ্ৰহণ কৰিব বুলি মন্তব্য কৰে । তাৰোপৰি শুৱালকুছিৰ কাপোৰৰ নাম লৈ অন্য ঠাইৰ মেচিনত বনোৱা কাপোৰ বিক্ৰি কৰা সকলকো উচিত শাস্তি প্ৰদান কৰা হব বুলি উল্লেখ কৰে । তদুপৰি কোনো কাৰণতে শুৱালকুছিৰ পাট-মুগা কোপোৰত ঠগবাজি নচলিব বুলি স্পষ্ট কৰি দিয়ে মন্ত্ৰীগৰাকীয়ে ।
শুৱালকুছিৰ পাট-মুগাক লৈ ঠগবাজি নচলিবঃ মন্ত্ৰী হিমন্ত বিশ্ব শৰ্মা
