হাজো, 18 মে’: লকডাউনৰ মাজতে হাজোৰ ভিন্ন প্ৰান্তত অব্যাহত আছে গুটখাৰ চোৰাং সৰবৰাহ। হাজোৰ লগতে সমগ্ৰ কামৰূপ জিলাতে গুটখাৰ লগতে বিভিন্ন পাণ মচলা জাতীয় সামগ্ৰী বিক্ৰী হৈ আছে বুলি জানিব পৰা গৈছে ।
হাজোত জব্দ বৃহৎ পৰিমাণৰ গুটখা
হাজোৰ দামপুৰত দেওবাৰে আৰক্ষীৰ অভিযানত জব্দ হৈছে লক্ষাধিক টকাৰ গুটখাৰ লগতে পাণ মচলা । বছিৰুদ্দিন আলী নামৰ গুটখা ব্যৱসায়ীজনৰ গেলামাল দোকানৰ গুদামৰ পৰা জব্দ কৰা হৈছে বৃহৎ পৰিমাণৰ অবৈধভাৱে মজুত ৰখা গুটখা আৰু পাণ মচলা । লগতে আৰক্ষীয়ে আটক কৰে গুটখা মাফিয়া বছিৰুদ্দিন আলীকো ।
উল্লেখ্য যে, বছিৰুদ্দিন আলীয়ে দীৰ্ঘদিন ধৰি অবৈধভাৱে গুটখাৰ ব্যৱসায় চলাই অহাৰ অভিযোগ উত্থাপন হৈছিল ।
