আজাৰা,10 এপ্ৰিল : বিধায়কেই হওক বা সাধাৰণ লোকেই হওক উৰাবাতৰি বিয়পোৱা কাকোৱেই যেন ৰেহাই দিয়া নাই আৰক্ষী তথা প্ৰশাসনে । নগাঁৱত বিধায়ক আমিনুল ইছলাম আৰু ডিফুত দুজন বৰপেটাৰ যুৱক গ্ৰেপ্তাৰ হোৱাৰ পাচত এইবাৰ দক্ষিণ কামৰূপৰ পলাশবাৰী আৰক্ষীয়ে আটক কৰিলে এগৰাকী যুৱতীক । কিছুদিন পূৰ্বেই যুৱতী গৰাকীয়ে নিজৰ ফেচবুক একাউন্টত এটি বিৰ্তকিত পোষ্ট দিছিল ৷ যাৰ ফলত অঞ্চলটোত গোষ্ঠীগত সংঘাতৰ দৰে ঘটনা ঘটাৰ উপক্ৰম হৈছিল । কিন্তু আৰক্ষীৰ তৎপৰতাৰ বাবেই সংঘটিত হ'বলৈ নাপালে এনে ঘটনা ।
পৰৱৰ্তী সময়ত পলাশবাৰী আৰক্ষীৰ তদন্তত ওলাই পৰিল যুৱতী গৰাকীৰ এটা ফেচবুক পোষ্টে কিমান ডাঙৰ কাণ্ড সংঘটিত কৰিবলৈ ওলাইছিল । যাৰ বাবে আৰক্ষীয়ে সোধা পোচৰ বাবে শুকুৰ বাৰে যুৱতীগৰাকীক থানালৈ আনি এটা গোচৰ ৰুজু কৰে । পিচত যুৱতী গৰাকীক ঘৰলৈ যাবলৈ দিয়ে যদিও পৰৱৰ্তী সময়ত তদন্তৰ খাতিৰত আৰক্ষীয়ে যেতিয়াই বিচাৰে তেতিয়াই থানাত আহি উপস্থিত হ'ব লাগিব বুলি নিৰ্দেশ দিয়ে যুৱতী গৰাকীক ।
লগতে পঢ়ক : বৰদৈচিলাৰ তাণ্ডৱত তচনচ ৰাজ্যৰ ভিন্ন অঞ্চল !
