পুৱা 9 বজাৰ শীৰ্ষ দহটা বাতৰি-
1. মৰিগাঁৱত তিৱা স্বায়ত্ব শাসিত পৰিষদৰ নিৰ্বাচনৰ প্ৰস্তুতি তুংগত
তিৱা স্বায়ত্ব শাসিত পৰিষদৰ নিৰ্বাচনক লৈ মৰিগাঁৱত বলিছে ৰাজনৈতিক গৰম বতাহ ৷ সকলো দলৰ নেতাই নিজ নিজ কাৰ্যসূচীৰে প্ৰচাৰ চলোৱা পৰিলক্ষিত হৈছে ৷
2. হাতে হাতে খালী কলহ লৈ খোৱা পানী বিচাৰি শিলচৰত পথ অৱৰোধ
খোৱা পানী বিচাৰি হাহাকাৰ শিলচৰবাসীৰ ৷ খোৱা পানী যোগানৰ দাবীত শিলচৰৰ বদৰপুৰত পথ অৱৰোধ ৷ হাতে হাতে খালী কহল লৈ পানী বিচাৰি প্ৰতিবাদ ৰাইজৰ ৷ বিগত 30 বছৰে খোৱা পানীৰ সমস্যাত ভুগি অহাৰ অভিযোগ প্ৰতিবাদকাৰীৰ ৷
3. জে পি নাড্ডাৰ আশু আৰোগ্য কামনা মন্ত্ৰী ৰঞ্জিত দত্তৰ
ভাৰতীয় জনতা পাৰ্টীৰ ৰাষ্ট্ৰীয় সভাপতি জগত প্ৰকাশ নাড্ডা ক’ভিড-১৯ত আক্ৰান্ত হোৱাৰ পাচত তেওঁৰ আশু আৰোগ্যৰ লগতে সোনকালে সুস্থ হোৱাৰ কামনা কৰিছে বিহালী সমষ্টিৰ বিধায়ক তথা কেবিনেট মন্ত্ৰী ৰঞ্জিত দত্তই ৷
4. বিশ্বনাথৰ বাঘমাৰী চাহ বাগিচাত বিজেপি চাহ মৰ্চাৰ সমিতি গঠন
দেওবাৰে বিশ্বনাথ জিলাৰ বাঘমাৰী চাহ বাগিচাত গঠন হয় এখন শক্তিশালী লাইন সমিতি ৷ ভাৰতীয় জনতা পাৰ্টিৰ চাহ মৰ্চা বাঘমৰা মণ্ডল সমিতিৰ উদ্যোগত গঠন কৰা হয় 51 জনীয়া শক্তিশালী সমিতি গঠন ৷
5. বিশ্বনাথত কা আন্দোলনৰ পঞ্চ শ্বহীদক শ্ৰদ্ধাঞ্জলি
নাগৰিকত্ব সংশোধনী বিধেয়ক নাগৰিকত্ব সংশোধনী আইনত পৰিণত হোৱাৰ এবছৰ সম্পূৰ্ণ ৷ এনএছইউআই গোটৰ উদ্যোগত বিশ্বনাথ মহাবিদ্যালয় প্ৰাংগনত 'কা' আন্দোলনত প্ৰাণ হেৰুওৱা পঞ্চ শ্বহীদক শ্ৰদ্ধাঞ্জলি ৷
6. ৰাষ্ট্ৰীয় উদ্যানলৈ উন্নীত হ’ল দিহিং-পাটকাই
অসমবাসীৰ বাবে এটা ভাল খবৰ । ৰাষ্ট্ৰীয় উদ্যানলৈ উন্নীত হ’ল দিহিং-পাটকাই । পূৰ্বৰে পৰা দিহিং-পাটকাই বন্যপ্ৰাণী অভয়াৰণ্য হিচাপে জনাজাত আছিল ৷ এই অভয়াৰণ্যখন এতিয়াৰেপৰা স্বীকৃত হ’ল দিহিং-পাটকাই ৰাষ্ট্ৰীয় উদ্যান হিচাপে ৷
7. উড়িশাত যাত্ৰীবাহী বাছ বাগৰি পৰি আহত 30
উড়িশাৰ কালাহান্দী জিলাত দেওবাৰে এখন যাত্ৰীবাহী বাছ বাগৰি পৰি আহত হয় 30 জনকৈ লোক ৷ বাছখন হায়দৰাবাদলৈ গৈ থকাৰ সময়তে সংঘটিত হয় এই দুৰ্ঘটনা ৷
8. বিটিচিৰ নতুন মুৰব্বী প্ৰমোদ বড়োঃমুখ্যমন্ত্ৰী সোণোৱাল
বিটিচিৰ মুখ্য কাৰ্যবাহী সদস্য হিচাপে নিৰ্বাচিত হ’ল ইউ পি পি এলৰ সভাপতি প্ৰমোদ বড়ো ৷ নৱ নিৰ্বাচিত বিটিচি প্ৰধান হিচাপে প্ৰমোদ বড়োৰ নাম ঘোষণা কৰিলে মুখ্যমন্ত্ৰী সৰ্বানন্দ সোণোৱালে ৷
9. বেংগালুৰুত মাতৃৰ হাতত প্ৰাণ হেৰুৱালে 6 বছৰীয়া শিশুৱে
পুত্ৰক গাৰুৰে উশাহ বন্ধ কৰি হত্যা কৰিলে এগৰাকী মহিলাই ৷ বেংগালুৰুত সংঘটিত হ'ল এই ঘটনা ৷
10. আফগান ৰাষ্ট্ৰীয় নিৰাপত্তা বাহিনীৰ আক্ৰমণত 63 জন তালিবানী সন্ত্ৰাসবাদী নিহত
9 ডিচেম্বৰলৈকে 150 গৰাকী সন্ত্ৰাসবাদীক হত্যা কৰা হৈছে বুলি প্ৰকাশ কৰিছে আফগান প্ৰতিৰক্ষা মন্ত্ৰণালয়ে ৷
