দিনৰ 11 বজাৰ শীৰ্ষ দহটা বাতৰি-
1. নতুন কৃষি আইনৰ সন্দৰ্ভত মধ্য প্ৰদেশৰ কৃষকক সম্বোধন কৰিব প্ৰধানমন্ত্ৰীয়ে
এমপিৰ মুখ্যমন্ত্ৰী শিৱৰাজ সিঙে ৰাজ্যখনৰ 35 লাখ কৃষকৰ একাউন্টত 1,600 কোটি টকাৰ সাহায্য প্ৰদাণ কৰিব বুলি জানিবলৈ দিছে বিষয়াজনে ৷ এই অনুষ্ঠানত কৃষি আইনৰ লাভজন ব্যৱস্থাৰ সন্দৰ্ভত মধ্য প্ৰদেশৰ কৃষকৰ সৈতে শুক্ৰবাৰে এক আলোচনাত মিলিত হ'ব দেশৰ প্ৰধান মন্ত্ৰী নৰেন্দ্ৰ মোডী ৷
2. মৰিগাঁৱত তিৱা স্বায়ত্ব শাসিত পৰিষদৰ নিৰ্বাচনৰ সফল সামৰণি
মৰিগাঁৱত তিৱা স্বায়ত্ব শাসিত পৰিষদৰ নিৰ্বাচনৰ সফল সামৰণি ৷ সকলোকে ধন্যবাদ জ্ঞাপন কৰে মৰিগাঁও জিলা উপায়ুক্ত লীনা দাসে ৷
3. প্ৰয়াত মুখ্যমন্ত্ৰীৰ অস্থি লৈ নাৰায়ণপুৰত পুত্ৰ গৌৰৱ গগৈ
অস্থি লৈ বৃহস্পতিবাৰে সন্ধিয়া নাৰায়ণপুৰত উপস্থিত হ’ল পুত্ৰ গৌৰৱ গগৈ ৷ পুত্ৰ গৌৰৱ গগৈ বিহপুৰীয়া সমষ্টিত উপস্থিত হোৱাৰ লগে লগে প্ৰয়াত জননেতা গৰাকীৰ সহস্ৰাধিক গুণমুদ্ধ আৰু দলীয় সমৰ্থকে গায়ন-বায়নেৰে নাৰায়ণপুৰৰ জ্যোতি সংগমৰ প্ৰেক্ষাগৃহলৈ আদৰণি জনাই ৷
4. বিজেপি কৰ্মীৰ বিৰুদ্ধে কেৰালা আৰক্ষীৰ গোচৰ পঞ্জীয়ন
সাম্প্ৰদায়িক সম্প্ৰীতি বিঘ্নিত কৰাৰ অভিযোগত বিজেপি কৰ্মীৰ বিৰুদ্ধে গোচৰ পঞ্জীয়ন ৷ বিজেপি কৰ্মী কেইগৰাকীৰ বিৰুদ্ধে 'জয় শ্ৰী ৰাম' লিখি বৃহৎ আকাৰৰ বেনাৰ উৰুৱাই সাম্প্ৰদায়িক সম্প্ৰীতি বিনষ্ট কৰাৰ অভিযোগ ৷ নিৰ্বাচনত বিজয় লাভ কৰাৰ আনন্দত বিজেপি কৰ্মী সকলে বেনাৰ উৰুৱাই আনন্দ উল্লাস কৰাৰ ভিডিঅ' প্ৰত্যক্ষ কৰাৰ পাছতে সামাজিক মাধ্যমত চোকা সমালোচনা ৷
5. ফিফাৰ শ্ৰেষ্ঠ পুৰুষ খেলুৱৈৰ সন্মান দখল ৰবাৰ্ট লেৱানডাউস্কীৰ
ফিফাৰ শ্ৰেষ্ঠ পুৰুষ খেলুৱৈৰ সন্মান দখল ৰবাৰ্ট লেৱানডাউস্কীৰ ৷ মহিলাৰ শাখাত এই সন্মান লাভ কৰিছে ইংলেণ্ডৰ ডিফেণ্ডাৰ লুচী ব্ৰঞ্জে ৷
6. মাদ্ৰাছা শিক্ষাক লৈ হিমন্তই কুটিল ৰাজনীতি কৰিছে : আমিনুল ইছলাম
মাদ্ৰাছা শিক্ষা বন্ধ হোৱাক লৈ মন্ত্ৰী ড৹ হিমন্ত বিশ্ব শৰ্মাৰ বিৰুদ্ধে তীব্ৰ ক্ষোভ বিধায়ক আমিনুল ইছলামৰ ৷ মাদ্ৰাছা শিক্ষাক লৈ মন্ত্ৰী হিমন্ত বিশ্ব শৰ্মাই কুটিল ৰাজনীতি কৰাৰ অভিযোগ উত্থাপন কৰিছে বিধায়ক গৰাকীয়ে ৷
7. চামগুৰিৰ বৰালিগাঁৱত নিশা বনৰীয়া হাতীৰ উপদ্ৰৱ
বনৰীয়া হাতীৰ সন্ত্ৰাসে নিন্দ্ৰা হৰণ কৰিছে চামগুৰিবাসীৰ ৷ বেলি ডুবাৰ পিছতেই বনৰীয়া হাতীৰ জাকে প্ৰৱেশ কৰে চামগুৰিৰ বৰালিগাঁওত ৷ নিশা গাঁওখনৰ ৰাম দাস নামৰ লোক জনৰ বাসগৃহ ভাঙি লণ্ড ভণ্ড কৰে বনৰীয়া হাতীৰ জাকে ৷
8. ৰূপহীহাটত কংগ্ৰেছী কৰ্মীয়ে বিজেপি কৰ্মীক প্ৰহাৰ কৰাৰ অভিযোগ
বৰঘাট গাঁও পঞ্চায়তত কংগ্ৰেছী কৰ্মীয়ে বিজেপি কৰ্মীক প্ৰহাৰ কৰাৰ অভিযোগ ৷ ৰূপহীহাট সমষ্টিৰ বিধায়ক নুৰুল হুদাক সমষ্টিৰ উন্নয়নৰ বিষয়ে প্ৰশ্ন কৰাত 6 ৰ পৰা 7 জনীয়া কংগ্ৰেছী কৰ্মীৰ দল এটাই বিজেপি কৰ্মীক প্ৰহাৰ কৰাৰ অভিযোগ উত্থাপন কৰিছে বিজেপি কৰ্মীয়ে ৷
9. মাজুলীৰ মানিক হাউলীত ভয়াৱহ অগ্নিকাণ্ড
বৃহস্পতিবাৰে নিশা মাজুলীৰ মানিক হাউলীত ভয়াৱহ অগ্নিকাণ্ড ৷ এজন লোকৰ ভঁৰাল ঘৰৰ পৰা জুইৰ সূত্ৰপাত ৷ অগ্নিনিৰ্বাপক বাহিনী উপস্থিতিত স্থানীয় ৰাইজৰ তৎপৰতাত জুই নিৰ্বাপন ৷
10. 'Wonder Woman' ছবিত পৰিধান কৰা হেডগেয়াৰৰ ফটো শ্বেয়াৰ গাল গাডোটৰ
বৃহস্পতিবাৰে 'Wonder Woman'ত পৰিধান কৰা DCEU (DC Extended Universe) চৰিত্ৰৰ বাবে ব্যৱহৃত এটি হেডগেয়াৰৰ ফটো শ্বেয়াৰ কৰে অভিনেত্ৰী গাল গাডোটে ৷ হেডগেয়াৰটোৰ চিহ্ন হিচাপে তেওঁ শক্তি, উত্তৰাধিকাৰ আৰু আশাৰ কথা ব্যক্ত কৰে অভিনেত্ৰী গৰাকীয়ে ৷
