দিনৰ 11 বজাৰ শীৰ্ষ দহটা বাতৰি-
1. আজি তিৱা স্বায়ত্ব শাসিত পৰিষদৰ নিৰ্বাচনৰ ভোটগ্ৰহণ
পুৱা 7:30 বজাৰ পৰা তিৱা স্বায়ত্ব শাসিত পৰিষদৰ ভোটগ্ৰহণ প্ৰক্ৰিয়া আৰম্ভ ৷ 64 গৰাকী প্ৰাৰ্থীৰ ভাগ্য নিৰ্ণয় কৰিব 1,43,655 ভোটাৰে ।
2. তিৱা স্বায়ত্ব শাসিত পৰিষদৰ নিৰ্বাচন : হোজাই জিলাত আৰম্ভ ভোটগ্ৰহণ
তিৱা স্বায়ত্ব শাসিত পৰিষদৰ নিৰ্বাচন আৰম্ভ ৷ হোজাই জিলাত পুৱা 7.30 বজাৰ পৰা আৰম্ভ ভোটগ্ৰহণ প্ৰক্ৰিয়া ৷
3. গোলাঘাটত আৰক্ষী আৰু চিআৰপিএফ জোৱানৰ মাজত তুমুল সংঘৰ্ষ
গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত বুধবাৰে নিশা আৰক্ষী আৰু চিআৰপিএফ জোৱানৰ মাজত আক্ৰমণ-প্ৰত্যাক্ৰমণ ৷ চিকিৎসালয়খনত চিকিৎসাধীন হৈ থকা জোৱানজনে চলোৱা তাণ্ডৱৰ পাচতে আৰক্ষীৰ দল উপস্থিত হয় আৰু আৰক্ষীকো আক্ৰমণ কৰে জোৱানজনে ৷
4. চৰকাৰলৈ ভাৰতীয় কিষাণ সংঘৰ 6 দাবী
গুৱাহাটী প্ৰেছ ক্লাবত RSSৰ ভাতৃ সংগঠন ভাৰতীয় কিষাণ সংঘই এখন সংবাদমেল সম্বোধন ৷ চৰকাৰলৈ 6 টা দাবী উত্থাপন সংঘৰ ৷
5. অষ্ট্ৰেলিয়াৰ বিৰুদ্ধে প্ৰথম টেষ্ট : টছত জয়ী হৈ বেটিঙৰ সিদ্ধান্ত ভাৰতৰ
আজি প্ৰথম টেষ্টত টছত জয়ী হৈ বেটিঙৰ সিদ্ধান্ত ভাৰতীয় দলৰ ৷
6. আমগুৰিত পথ নিৰ্মাণৰ নামত ব্যাপক দুৰ্নীতিৰ অভিযোগ
আমগুৰিৰ নামতিআলি-বৰছিলা সংযোগী পথ নিৰ্মাণত ব্যাপক অনিয়মৰ অভিযোগ ৷ পথটো নিৰ্মাণৰ পাচতে বখলা-বখলে এৰি যোৱাৰ অভিযোগ উত্থাপন কৰিছে স্থানীয় ৰাইজে ৷
7. আজি প্ৰধানমন্ত্ৰী মোডী, শ্বেইখ হাছিনাৰ ভাৰ্চুৱেল বৈঠক
আজি প্ৰধানমন্ত্ৰী মোডী আৰু শ্বেইখ হাছিনাৰ ভাৰ্চুৱেল বৈঠক ৷ বৈঠকত দুয়োগৰাকী নেতাই দ্বিপাক্ষিক সম্পৰ্কত দৃঢ় কৰা সন্দৰ্ভক আলোচনা কৰিব ৷
8. বিশ্ব বেংকৰ সৈতে 400 মিলিয়ন ডলাৰৰ প্ৰকল্পত ভাৰতৰ স্বাক্ষৰ
ক'ৰণাসৃষ্ট পৰিৱেশৰ পৰা দুখীয়া আৰু আৰ্তজনক সহায় কৰাৰ উদ্দেশ্যে বিশ্ব বেংকৰ সৈতে ভাৰতৰ 400 মিনিয়ন ডলাৰৰ প্ৰকল্পত স্বাক্ষৰ ৷ বুধবাৰে ভাৰতে এই চুক্তিত স্বাক্ষৰ কৰে ৷ এই কাৰ্যসূচীয়ে ক'ভিড-19 য়ে জুৰুলা কৰা দৰিদ্ৰ আৰু আৰ্তজনক পৰ্যাপ্ত সামাজিক সুৰক্ষা প্ৰদানৰ ক্ষেত্ৰত ভাৰতক অধিক শক্তিশালী কৰি তুলিব বুলি আশা প্ৰকাশ ৷
9. ক’ভিড-19ৰ ভেকচিন সন্দৰ্ভত প্ৰচাৰ হোৱা ভুৱা তথ্য আঁতৰাব টুইটাৰে
ক’ভিড-19ৰ ভেকচিন সন্দৰ্ভত প্ৰচাৰ কৰা সকলো ভুৱা তথ্য টুইটাৰ চাইটৰ পৰা আঁতৰোৱাৰ সিদ্ধান্ত টুইটাৰ কৰ্তৃপক্ষৰ ৷ আগন্তুক বৰ্ষৰ আৰম্ভণিৰ পৰাই এই পদক্ষেপ গ্ৰহণ কৰিব টুইটাৰে ৷
10. আইএচএলৰ আজিৰ খেল উৰিষ্যা এফচি বনাম বাংগালুৰ এফচি
উৰিষ্যা এফচিয়ে কেৰেলা ব্লাষ্টাৰক 4-1 গ'লত পৰাস্ত কৰা পিচতেই বৃহস্পতিবাৰে এখন খেলত সন্মুখিন হ'ব বাংগালোৰ এফচিৰ ৷ 4 পইন্টৰে পইন্ট তালিকাত দহ নম্বৰ স্থানত আছে উৰিষ্যা এফচি ৷
