ন বজাৰ শীৰ্ষ দহটা বাতৰি...

ন বজাৰ শীৰ্ষ দহটা বাতৰি...

কমলপুৰত এক যুদ্ধ সদৃশ পৰিৱেশ ৷ কমলপুৰ সমষ্টিৰ দিগুণপাৰ বৰঙ্গাবাৰী সমন্বয় ক্ষেত্ৰত ব্যস্ত এতিয়া সকলো । কিয়নো শুকুৰবাৰে কমলপুৰ সমষ্টিৰ বিজেপিৰ প্ৰাৰ্থী দিগন্ত কলিতাৰ হৈ নিৰ্বাচনী প্ৰচাৰ চলাবলৈ আহিব কেন্দ্ৰীয় গৃহ মন্ত্ৰী অমিত শ্বাহ ৷

ন' ৰোড, ন' ভোট, পৱন কুমাৰ মূর্দাবাদ ধ্বনিৰে পৰিৱেশ উত্তাল পশ্চিম কাৰ্বি আংলঙৰ নৱাইবিল ৷ ক্ষোভিত জনতাই এইবাৰ NOTA ত ভোটদান কৰিব মন্তব্য প্ৰদান কৰে ৷

নিৰ্বাচনী আচৰণ বিধি উলংঘা কৰা অভিযোগত অভিযুক্ত হ'ল অগপৰ সভাপতি অতুল বৰা ৷ লখিমপুৰত অগপৰ সভাপতি অতুল বৰাৰ বিৰুদ্ধে গোচৰ তৰিছে অতিৰিক্ত উপায়ুক্ত তথা নিৰ্বাচনী আচৰণ বিধি কোষৰ বিষয়াই ।

প্ৰথম পৰ্যায়ৰ ভোটদানৰ আগমুহুৰ্তত মৰাণত উপস্থিত হৈ কংগ্ৰেছৰ নেতৃত্বত মহাজোঁটৰ চৰকাৰ গঠন হ'ব বুলি দাবী কৰি বিজেপি চৰকাৰক ক্ষুৰধাৰ সমালোচনা কৰে প্ৰাক্তন কেন্দ্ৰীয় মন্ত্ৰী পৱন সিং ঘাটোৱাৰে ৷

নিৰ্বাচনী প্ৰচাৰৰ অন্তিমটো দিনত আন প্ৰাৰ্থীয়ে প্ৰচাৰ চলাই থকাৰ সময়তে অভিনৱ প্ৰতিবাদ সাব্যস্ত কৰে অংকিতা দত্তই ৷ আমগুৰি নগৰৰ মাজমজিয়াত গেছৰ চিলিণ্ডাৰ বাগৰাই ফুটবল খেলাদি খেলি অভিনৱ প্ৰতিবাদ সাব্যস্ত কৰিলে দত্তই ৷

অসম জাতীয় পৰিষদৰ জনীয়া সমষ্টিৰ সভাপতি তাৰেক হুছেইনৰ সভাপতিত্বত জনীয়া সমষ্টিৰ জনতাত বৃহস্পতিবাৰে গঠন কৰা হয় অসম জাতীয় পৰিষদৰ মনোনীত প্ৰাৰ্থী অধিবক্তা শুকুৰ আলী আহমেদৰ এখন নিৰ্বাচনী পৰিচালনা কমিটি ৷ সভাত শুকুৰ আলী আহমেদ নিৰ্বাচিত হ'লে কি কি সমস্যা সমাধানৰ ওপৰত গুৰুত্ব দিব সেই সম্পৰ্কে ভাষণ প্ৰদান কৰে ৷

বৃহস্পতিবাৰে মিত্ৰজোঁটৰ প্ৰাৰ্থী ৰেণুপমা ৰাজখোৱাৰ বাসগৃহত দলৰ বিষয়ববীয়া আৰু কৰ্মীসকলক সাক্ষাৎ কৰে মন্ত্ৰী অতুল বৰাই ৷ কংগ্ৰেছৰ ন ন কৌশলেও ভোটাৰক আকৰ্ষণ কৰিব নোৱাৰে বুলি মন্তব্য কৰে মন্ত্ৰী গৰাকীয়ে ৷

পৰিৱেশ-অনুকূল হাইব্ৰিড ট্ৰাইচাইকেল উদ্ভাৱনৰ প্ৰত্যক্ষ অধিকাৰ লাভ কৰিলে আগৰতলাৰ এন আই টিয়ে । বাণিজ্যিক ব্যৱহাৰৰ বাবে "গ্ৰীণ ৰাইড' হিচাপে নামাকৰণ কৰা হৈছে হাইব্ৰিড ট্ৰাইচাইকেলক । সৌৰ শক্তি আৰু বৈদ্যুতিক শক্তি চালিত এই ট্ৰাইচাইকেলখনৰ গতিবেগ প্ৰতি ঘণ্টাত ২০-৩০ কিলোমিটাৰ ।

কাছাৰৰ অৰুণাবন্দ চাহ বাগিচাত সংঘটিত হৈছে এই ঘটনা ৷ বৃহস্পতিবাৰে উদ্ধাৰ হয় উধাৰবন্ধৰ অৰুণাবন্দ চাহ বাগিচাৰ পৰা বুধবাৰে আবেলি ৫ বজাৰ পৰা নিৰুদ্দেশ হৈ থকা কিশোৰজনৰ মৃতদেহ ৷

এখন নম্বৰ প্লেটবিহীন VENUE গাড়ীত কঢ়িয়াই অনা হৈছিল ব্ৰাউন চুগাৰ ৷ আৰক্ষীয়ে অভিযান চলাই ব্ৰাউন চুগাৰখিনি জব্দ কৰাৰ লগতে আটক কৰে এজন ব্যক্তি ৷ আটকাধীন ব্যক্তি গৰাকী তিনিচুকীয়াৰ হিযুগুৰিৰ হেদাযৎপুৰ নিবাসী ফাৰুক আহমেদ ৷