সাত বজাৰ শীৰ্ষ দহটা বাতৰি

সাত বজাৰ শীৰ্ষ দহটা বাতৰি

নিৰ্বাচনী আয়ুক্ত হিচাপে কাৰ্যভাৰ গ্ৰহণ কৰিলে প্ৰাক্তন আমোলা ৰাজীৱ কুমাৰে। ঝাৰখণ্ড কেডাৰৰ সৰ্বভাৰতীয় সেৱা বিষয়া হিচাপে অৱসৰপ্ৰাপ্ত ৰাজীৱ কুমাৰে ২০২৪ৰ লোকসভা নিৰ্বাচনত অধ্যক্ষৰ দায়িত্ব পালন কৰিব ।

তিনিচুকীয়া জিলা সমিতিৰ উদ্যোগত আমৰণ অনশন কাৰ্যসূচীৰ আয়োজন কৰিছে সদৌ অসম শ্বহীদ নিৰ্যাতিত পৰিয়াল পৰিষদে ৷ শ্বহীদৰ পৰিয়ালৰ সদস্যসকলক কৰ্ম সংস্থাপন প্ৰদানৰ দাবীত মঙলবাৰে ডুমডুমাত পালন কৰা হয় এই প্ৰতিবাদী কাৰ্যসূচী ৷

নাগৰিকত্ব সংশোধনী আইন আৰু EIA 2020 বাতিলৰ দাবীত প্ৰতিবাদত বহিছে চাচনী আঞ্চলিক ছাত্ৰ সন্থা ৷ পুৱা 9 বজাৰ পৰা 24 ঘণ্টীয়া অনশনেৰে আৰম্ভ হৈছে এই প্ৰতিবাদী কাৰ্যসূচী ৷

চতুৰ্দশ বিত্তীয় আয়োগৰ অধীনত গাঁও পঞ্চায়তলৈ আৱন্টিত পুঁজিৰ নামত ব্যাপক অনিয়মৰ অভিযোগ কৰিমগঞ্জত ৷ বিভাগীয় কৰ্তৃপক্ষক বহুবাৰ অবগত কৰিছে যদিও কোনো ধৰণৰ ব্যবস্থা গ্ৰহণ নকৰাৰ অভিযোগ ৰাইজৰ ৷

জাপানৰ ৰাষ্ট্ৰদূত সন্তোষী ছুজুকিয়ে মঙলবাৰে টুইটযোগে ঘোষণা কৰে যে, জাপানে ৫০ বিলিয়ন য়েন পৰ্যন্ত ঋণ প্ৰদান কৰি ভাৰতক সমৰ্থন আগবঢ়াব । কৰ'ণাৰ সংকটকালত ভাৰতক জৰুৰীকালীন ঋণ দি সহায় কৰিব জাপানে । ঋণ পৰিশোধৰ বাবে ১৫বছৰ সময় দিয়াৰ লগতে প্ৰতিবছৰে ভাৰতে এই ঋণৰ বাবদ ০.০১% সুদ আদায় দিব লাগিব ।

PMAYৰ আঁচনিত দৰিদ্ৰ সীমাৰেখাৰ তলৰ প্ৰকৃত হিতাধিকাৰীক বঞ্চিত কৰি একাংশ ধনী আৰু চাকৰিয়াল ব্যক্তিৰ নাম প্ৰকাশ পোৱাত জাঙুৰ খাই উঠে স্থানীয় ৰাইজ ৷ অতি শীঘ্ৰে উক্ত তালিকা খন বাতিল কৰিবলৈ উপয়ুক্তক আহ্বান জনাইছে প্ৰতিবাদকাৰী সকলে ৷

বিহালী সমষ্টিৰ পঞ্চায়ত প্ৰতিবাদৰ জোঁৱাৰ ৷ মোনাবাৰী গাঁও পঞ্চায়ত আৰু জৰাবাৰী গাঁৱত সোমবাৰে বিয়লি একাংশ স্থানীয় লোকে পঞ্চায়ত কৰ্মচাৰীৰ বিৰুদ্ধে সাব্যস্ত কৰে প্ৰতিবাদ ৷

মহাবাহু ব্ৰহ্মপুত্ৰ আৰু বলিয়া বেঁকী নৈত জাহ গ'ল শতাধিক পৰিয়াল ৷ উপযুক্ত ক্ষতি পূৰণ বিচাৰি চৰকাৰক আহ্বান জনাইছে ভুক্তভোগি লোক সকলে ৷

প্ৰয়াত অভিনেতা সুশান্ত সিং ৰাজপুতৰ ২টা ভিডিঅ' ভাইৰেল হৈ পৰিছে ছ'চিয়েল মিডিয়াত। ভিডিঅ'ত কেইটিমান বিশেষভাৱে সক্ষম শিশুৰ সৈতে দেখা গৈছে সুশান্তক। বিদ্যালয়ৰ অনুষ্ঠান পৰিৱেশন কৰি থকা শিশুকেইটাক আবেগিক হৈ চুম্বন আৰু আলিংগন কৰিছে প্ৰয়াত অভিনেতাজনে।

একবিংশ শতিকাতো উন্নয়নৰ মুখ নেদেখা এখন গাঁও ৷ কাছাৰ জিলাৰ ধলাই সমষ্টিৰ এখন গাঁৱত আজিও ৰাইজে বিশুদ্ধ খোৱা পানীৰ অভাৱত দিন পাৰ কৰিছে ৷ মন্ত্ৰী পৰিমল শুক্লবৈদ্যৰ বিৰুদ্ধ ক্ষোভ গাঁওবাসীৰ ৷