বিয়লি পাঁচ বজাৰ শীৰ্ষ দহ বাতৰি...

পাঁচ বজাৰ শীৰ্ষ দহ বাতৰি...

মিৰ্জাৰ ক'ভিড কেয়াৰ চেন্টাৰত উত্তপ্ত পৰিস্থিতি ৷ কৰ্মচাৰীক কোনো ধৰণৰ জাননী প্ৰদান নকৰাকৈ কামৰ পৰা অব্যাহতি কৰ্তৃপক্ষৰ ৷

অসম আৰক্ষীৰ উপ পৰিদৰ্শক পদৰ পৰীক্ষাত ধুবুৰী জিলাৰ পৰা 9 টা পৰীক্ষা কেন্দ্ৰত মুঠ 2,408 গৰাকী পৰীক্ষাৰ্থী অৱতীৰ্ণ হৈছিল ৷ কিন্তু প্ৰশ্নকাকাত ফাদিল হোৱা বাবে পৰীক্ষাকেন্দ্ৰ সমূহত বাতিল কৰা হয় পৰীক্ষা ৷

অসম আৰক্ষীৰ উপ পৰিদৰ্শক পদৰ বাবে অনুষ্ঠিত লিখিত পৰীক্ষাৰ প্ৰশ্ন কাকত ফাদিলৰ ঘটনাৰ তাৎক্ষনিক তদন্তৰ নিৰ্দেশ মুখ্যমন্ত্ৰী সৰ্বানন্দ সোণোৱালৰ ৷

বৰপেটাৰ কলগাছিয়াত প্ৰহসনত পৰিণত হৈছে স্বচ্ছ ভাৰত অভিযান ৷ কলগাছিয়া বজাৰৰ কদৰ্যময় পৰিৱেশ, মাজমজিয়াত থকা জাৱৰৰ দমে প্ৰতিপন্ন কৰে আঁচনিখনৰ বিফলতাৰ কথা । এক দুৰ্গন্ধময় পৰিৱেশৰ মাজত সামগ্ৰী বিক্ৰী কৰিছে ব্যৱসায়ীসকলে ৷ ভ্ৰূক্ষেপ নাই প্ৰশাসন, হাট লেচি তথা স্থানীয় জন প্ৰতিনিধিৰ ।

দক্ষিণ কামৰূপৰ সাতখন গাঁও অচিৰেই অন্তৰ্ভূক্ত হ’ব মেঘালয়ত ৷ দেশে স্বাধীনতা লাভ কৰাৰ 74 বছৰ অতিক্ৰম কৰাৰ পিছতো সকলো দিশতে অৱহেলিত হৈ আছিল গাঁওকেইখন ৷ সেয়ে অসমৰ ভূমি এৰি মেঘালয়ৰ সৈতে চামিল হোৱাৰ সিদ্ধান্ত গ্ৰহণ কৰে গাঁৱবাসীয়ে ৷

নাওবৈচা মহাবিদ্যালয়ৰ COVID কেয়াৰ কেন্দ্ৰৰ খাদ্যত ওলাল পোক, চুলি ৷ এই বিষয়ক লৈ তীব্ৰ প্ৰকিক্ৰিয়াৰ সৃষ্টি হৈছে ৰোগীৰ মাজত ৷

শিক্ষা বিভাগৰ নিৰ্দেশনাৰ পিচতে তৎপৰ হৈ পৰিছে শিক্ষানুষ্ঠান সমূহৰ কৰ্তৃপক্ষ । ৰঙিয়াৰ কাউৰবাহাৰ এ পি জে আব্দুল কালাম হাইস্কুল আৰু কাউৰবাহা ফখৰুদ্দিন মাদ্ৰাছা উচ্চতৰ মাধ্যমিক বিদ্যালয়ত পাঠদান কৰাৰ আগতে কৰ্তৃপক্ষই আৰম্ভ কৰিছে বিদ্যালয় ছেনিটাইজৰ ব্যবস্থা ।

হত্যা নে আত্মহত্যা ! অসম অৰুণাচল সীমান্তৰ বনগাৱঁত ৰহস্যজনক ভাৱে উদ্ধাৰ এগৰাকী 40 বছৰীয়া লোকৰ মৃতদেহ ।

ৰাজ্যৰ আগন্তুক বিধানসভা নিৰ্বাচনত নিজৰ পত্নী, পুত্ৰ, ভাতৃ, কন্যা আদিক নিজা নিজা দলৰ পৰা প্ৰাৰ্থিত্ব দিবলৈ তৎপৰ হৈ পৰিছে কেইবাটাও ৰাজনৈতিক দলৰ শীৰ্ষ নেতা সকল । ইটিভি ভাৰতে ইতিমধ্যে সংগ্ৰহ কৰিছে সেই সকলো তথ্য । কোন কোন ৰাজনৈতিক নেতা আছে এই তালিকাত চাওক এই প্ৰতিবেদনত ৷

জাতীয় স্বাৰ্থত পুনৰ হাগ্ৰামা মহিলাৰী বিটিচিৰ প্ৰধান হোৱাটো বিচাৰে আক্ৰাছুৱে। কোচ-ৰাজবংশী সকলৰ জনজাতি কৰণ সন্দৰ্ভত চলিত মাহৰ শেষৰপিনে অনুষ্ঠিত হ’বলগীয়া মন্ত্ৰী গোটৰ বৈঠকত চুড়ান্ত সিদ্ধান্ত লোৱা হ'ব : চন্দন ব্ৰহ্ম ৷