পাঁচ বজাৰ শীৰ্ষ দহ বাতৰি...

পাঁচ বজাৰ শীৰ্ষ দহ বাতৰি...

শুকুৰবাৰে এক সংবাদমেলযোগে তিনিখন নতুন আঁচনি ঘোষণা কৰে ৰাজ্য চৰকাৰৰ কেবিনেট মন্ত্ৰী ডঃ হিমন্ত বিশ্ব শৰ্মাই । ইয়াৰ আটাইতকৈ গুৰুত্বপূৰ্ণ আঁচনিখন হৈছে ইতিপূৰ্বে চৰকাৰে বাজেটত ঘোষণা কৰি থোৱা স্বয়ম আঁচনি ৷ ইয়াৰ অধীনত ৰাজ্যৰ দুই লাখ যুৱক-যুৱতীক আত্মসংস্থাপনৰ বাবে চৰকাৰে আগবঢ়াব 50 হাজাৰকৈ টকা ৷ এই ধনৰাশি চৰকাৰক পৰিশোধ কৰিব নালাগে ৷

একপ্ৰকাৰ বিচ্ছিন্ন লাওখোৱাৰ যাতায়ত ব্যৱস্থা ৷ পথৰ মাজতে ঠায়ে ঠায়ে পুখুৰী সদৃশ গাঁত ৷ ফলত অঞ্চলসমূহলৈ যাব নোৱাৰে 108 এম্বুলেঞ্চ সেৱা ।

কাৰ্বি আংলঙত আম আদমী পাৰ্টীৰ নিৰ্বাচনী তৎপৰতা ৷ অসমৰ সৰু-বৰ ৰাজনৈতিক দলক আম আদমী পাৰ্টীত যোগদান কৰিবলৈ আহ্বান ৰাষ্ট্ৰীয় নিৰীক্ষক ৰাজেশ শৰ্মাৰ ৷

অন্য বৰ্ষত পূজাৰ পূৰ্বে বিৰ দি বাট নোপোৱা অৱস্থা হোৱা মহানগৰীৰ লাচিত নগৰৰ মূৰ্তিৰ বিপণীসমূহত এতিয়া মাথো বিৰাজ কৰিছে নিমাওমাও পৰিৱেশে ৷ কিয়নো এইসমূহ বিপণীত কৰ’ণা ভাইৰাছৰ বাবে অহা নাই কোনো অৰ্ডাৰ ৷ তদুপৰি মূৰ্তি নিৰ্মাণ কৰিবলৈ প্ৰয়োজনীয় কেঁচা সামগ্ৰী সমূহৰো কৰ’ণাৰ বাবে অত্যধিক দাম হোৱা বুলি শিল্পীসকলে প্ৰকাশ কৰিছে ৷

মহানগৰীৰ চান্দমাৰীত বাৰ্থডে’ পাৰ্টী উদযাপন কৰিবলৈ আহি গুলীবিদ্ধ হৈ সংকটজনক অৱস্থাত চিকিৎসাধীন হ'ব লগা হ'ল মিন্টু হাজৰিকা নামৰ এজন লোক ৷ কিবা কথাত হাজৰিকাৰ সৈতে পাৰ্টীত উপস্থিত থকা কিৰণ বনিয়াৰ কাজিয়াৰ সূত্ৰপাত হোৱাৰ পাছতেই এই ঘটনা সংঘটিত হয় ৷ আহত হাজৰিকা বৰ্তমান জি এন আৰ চিত চিকিৎসাধীন হৈ আছে ৷

দুস্কৃতিকাৰীয়ে ধ্বংস কৰিলে পাভ সংৰক্ষিত বনাঞ্চলৰ পাভমুখ এলেকাত থকা খণ্ড বনানিকৰণ স্থলী ৷ ইতিমধ্যে আৰক্ষী উপস্থিত হৈ পৰিস্থিতিৰ বুজ লোৱা পৰিলক্ষিত হৈছে ৷

চাহ বাগিচাৰ চকীদাৰক নৃশংস ভাবে হত্যা মুৰমুৰীয়া চাহ বাগিচাত ৷ ঘটনা স্থলীত আৰক্ষী উপস্থিত ৷ তদন্ত পিছত হে পোহৰলৈ আহিব সমগ্ৰ ঘটনা ৷

2015 চনত 45 হাজাৰ কোটি টকা ব্যয়েৰে শুভাৰম্ভণি কৰা আই.পি.ডি.এছ আঁচনিৰ অধীনৰ কামত অনিয়মৰ অভিযোগ উত্থাপন কৰিছে মৰিয়নীৰ একাংশ লোকে ৷ অভিযোগ অনুসৰি, কাম সম্পূৰ্ণ নৌহওঁতেই মৰিয়নীত হালি পৰিছে আই পি ডি এছ আঁচনিৰ বিদ্যুতৰ খুটা ৷

ব্যৱসায়ভিত্তিত নহয় কেৱল ঘৰৰ পৰিয়ালটোৰ বাবেই 10-15 জোপা চাহ গছ ৰোপণ কৰিয়ে বছৰটোৰ বাবে আপুনি লাভ কৰিব পাৰে নিৰ্ভেজাল চাহৰ জুতি ৷ এই মনোবৃত্তিৰেই আগবাঢ়ি আহিছে ধেমাজিৰ কোৱাফলা গাৱঁৰ পংকজ গগৈ নামৰ এজন লোক ৷

তেলৰ টেংকাৰ ‘নিউ ডাইমণ্ড’ত সূত্ৰপাত হোৱা অগ্নি নিয়ন্ত্ৰণৰ বাবে দ্বিতীয় দিনাও প্ৰচেষ্টা অব্যাহত ৰাখিছে ভাৰতীয় উপকুল ৰক্ষীয়ে ৷ ইতিমধ্যে তেল টেংকাৰৰ কৰ্মচাৰী থকা অঞ্চলটোত সুৰক্ষিতভাৱে অগ্নি নিৰ্বাপন কৰিবলৈ সক্ষম হোৱা বুলি জনাইছে ভাৰতীয় উপকুল ৰক্ষীয়ে ৷