অৱশেষত ক’ভেক্সিনলৈ অনুমোদন অষ্ট্ৰেলিয়াৰ
অষ্ট্ৰেলিয়া ভ্ৰমণলৈ যাব ওলোৱা লোকসকলৰ বাবে আহিছে এক সুখবৰ ৷ দেশখনৰ চৰকাৰে অৱশেষত ভাৰত বায়’টেকৰ দ্বাৰা প্ৰস্তুত কৰা ক’ভেক্সিন প্ৰতিষেধকৰ ক্ষেত্ৰত জনাইছে অনুমোদন ৷ এতিয়াৰে পৰা প্ৰতিগৰাকী পৰ্যটকে বিনাদ্বিধাই ক’ভেক্সিন গ্ৰহণ কৰি যাব পাৰিব অষ্ট্ৰেলিয়ালৈ ৷
কানপুৰত পুনৰ জিকা ভাইৰাছত আক্ৰান্ত 6
উত্তৰ প্ৰদেশৰ কানপুৰৰ চাকেৰী অঞ্চলত পুনৰ ছয়জন ব্যক্তি আক্ৰান্ত হৈছে জিকা ভাইৰাছত ৷ ৰাজ্যখনৰ কিং জৰ্জৰ চিকিৎসা বিশ্ববিদ্যালয়ৰ লেবৰেটৰীত কৰা পৰীক্ষাত চাৰিগৰাকী মহিলাৰ দেহত ভাইৰাছবিধৰ অৱস্থিতি ধৰা পৰিছে ৷ আক্ৰান্তসকলৰ ভিতৰত এগৰাকী গৰ্ভৱতী মহিলাও আছে ৷
ক’ভিড 19 : ভাৰতত বাঢ়িয়েই আছে আক্ৰান্তৰ সংখ্যা
কেন্দ্ৰীয় স্বাস্থ্য মন্ত্ৰালয়ে সোমবাৰে প্ৰকাশ কৰা তথ্য অনুসৰি, দেশত বিগত ২৪ ঘণ্টাত ১২,৫১৪ গৰাকী লোক নতুনকৈ কৰ’ণা ভাইৰাছত আক্ৰান্ত হৈছে ৷ তদুপৰি ২৫১ গৰাকী লোক মৃত্য়ুমুখত পৰিছে ৷
2022 বৰ্ষৰ পৰা আৰম্ভ হ’ব ধুবুৰী চিকিৎসা মহাবিদ্যালয়ৰ শৈক্ষিক পাঠ্যক্ৰম
আগন্তুক বৰ্ষত আৰম্ভ হ’ব নির্মাণকাৰ্য চলি থকা ধুবুৰী চিকিৎসা মহাবিদ্যালয়(Dhubri Medical College)ৰ শৈক্ষিক পাঠ্যক্ৰম । দেওবাৰে চিকিৎসা মহাবিদ্যালয়খনৰ কাম-কাজ আৰু সামগ্ৰিক দিশৰ বুজ লৈ এই কথা উল্লেখ কৰে অসম চিকিৎসা মহাবিদ্যালয়ৰ সঞ্চালক অনুপ বৰ্মনে ৷
দিল্লীত বৰ্ধিত ডেংগু ৰোগ নিৰীক্ষণৰ বাবে বিশেষজ্ঞ দল গঠন কৰিব কেন্দ্ৰই
ৰাজধানী দিল্লীত বৰ্ধিত ডেংগু(Dengue) ৰোগ নিৰীক্ষণৰ বাবে এক বিশেষজ্ঞ দল গঠন কৰিব কেন্দ্ৰীয় স্বাস্থ্য মন্ত্ৰালয়(Union Ministry)য়ে ৷ ইয়াৰ পৰিপ্ৰেক্ষিতত দিল্লীৰ বিদ্যালয়সমূহত সজাগতা অভিযান আৰম্ভ কৰা হ’ব আৰু ডেংগু ৰোগৰ গতিও পৰীক্ষা কৰা হ’ব বুলি এক পৰ্যালোচনা বৈঠকত উল্লেখ কৰে কেন্দ্ৰীয় স্বাস্থ্যমন্ত্ৰী মনচুখ মাণ্ডৱিয়া(Union Health Minister Mansukh Mandaviya)ই ৷
উত্তৰ প্ৰদেশৰ 46 টা ৰে’লৱে ষ্টেচন উৰুৱাই দিয়াৰ ভাবুকি লষ্কৰ-ই-তৈবাৰ
লক্ষ্ণৌ আৰু বাৰাণসীকে ধৰি ৰাজ্যখনৰ 46 টা ৰে’ল ষ্টেচন উৰুৱাই দিয়াৰ ভাবুকি প্ৰদান কৰিছে সন্ত্ৰাসবাদী সংগঠন লস্কৰ-ই-তৈবা(Lashkar-e-Taiba)ই ৷ এই ভাবুকিৰ বিষয়ে চোৰাংচোৱা বিভাগ(Intelligence Department)ৰ পৰা সতৰ্কবাণী পোৱাৰ পাচতে নিৰাপত্তা ব্যৱস্থা কটকটীয়া কৰি তোলা হৈছে উত্তৰ প্ৰদেশৰ ৰে’ল ষ্টেচনসমূহত ৷
ৰেষ্টুৰেণ্টত খাদ্য গ্ৰহণ কৰিলে ভৰিব লাগিব অতিৰিক্ত ধন !
ইণ্ডিয়ান অইলৰ ৱেবছাইট অনুসৰি, বৰ্তমান দিল্লীত একোটা বাণিজ্যিক চিলিণ্ডাৰৰ মূল্য হৈছে 2000.50 টকা ৷ একেদৰে কলকাতাত 19.2 কিল’গ্ৰাম যুক্ত চিলিণ্ডাৰৰ বৰ্তমান মূল্য হৈছে 2073.5 টকা, মুম্বাইত 1950 টকা আৰু লক্ষ্ণৌত 2093 টকা ৷
মুক্তিৰ পূৰ্বেই মুখ্য কলা-কুশলীৰ সৈতে ‘RRR’ৰ এক আভাষ প্ৰদৰ্শন
আগন্তুক বৰ্ষৰ আৰম্ভণিতে মুক্তিলাভ কৰিবলগীয়া বলীউড ছবি ‘RRR’ৰ নিৰ্মাতাই ৰাম চৰণ(Ram Charan), জুনিয়ৰ এন.টি.আৰ(Jr. NTR), অজয় দেৱগন(Ajay Devgn) আৰু আলিয়া ভাট(Alia Bhatt) সৈতে ছবিখনৰ এক ক্ষুদ্ৰ আভাষ প্ৰদৰ্শন কৰে ৷ স্বাধীনতাৰ পূৰ্বৰ ভাৰতৰ এক প্ৰতিচ্ছবি দাঙি ধৰা এই ছবিখনৰ পৰিচালনাত আছে ছবি পৰিচালক এছ এছ ৰাজামৌলী(SS Rajamouli) ৷
সশস্ত্ৰ সীমা বলৰ সৈতে অৰুণাচলৰ মুখ্যমন্ত্ৰী পেমা খাণ্ডুৰ বৈঠক
সশস্ত্ৰ সীমা বলৰ সৈতে অৰুণাচল প্ৰদেশৰ মুখ্যমন্ত্ৰী পেমা খাণ্ডুৰ গুৰুত্বপূৰ্ণ বৈঠক । এই বৈঠকত সীমা সমস্যাসমূহৰ সন্দৰ্ভত আলোচনা কৰা হয় ৷
২৭ নৱেম্বৰৰ পৰা অধিক শক্তিশালী ৰূপত প্ৰতিবাদ কৰিব কৃষকে: ৰাকেশ টিকেইটৰ সকীয়নি
২৬ নৱেম্বৰত কৃষকৰ প্ৰতিবাদৰ ১ বছৰ সম্পূৰ্ণ হ'ব । কিন্তু এতিয়াও কৃষকৰ দাবী মানি লোৱা নাই কেন্দ্ৰীয় চৰকাৰে । সোমবাৰে ভাৰতীয় কৃষক ইউনিয়নৰ নেতা ৰাকেশ টিকেইটে কেন্দ্ৰীয় চৰকাৰক সকীয়াই দিয়ে যে, ২৭ নৱেম্বৰৰ পৰা ট্ৰেক্টৰ লৈ দিল্লী সীমান্তৰ বিভিন্ন স্থানত উপস্থিত হৈ প্ৰতিবাদী কাৰ্যসূচী ৰূপায়ণ কৰিব কৃষকসকলে ।
