তিনি বজাৰ শীৰ্ষ দহটা বাতৰি...

তিনি বজাৰ শীৰ্ষ দহটা বাতৰি...

লেহত উপস্থিত হোৱাৰ পিছতে মই বিভিন্ন বিষয়াসকলৰ সৈতে আলোচনাত মিলিত হৈছো ৷ মই পৰিস্থিতি পৰ্যবেক্ষণ কৰিছো ৷ জোৱানসকলৰ মনোবল অতি উচ্চ আৰু তেঁওলোক সকলো পৰিস্থিতিৰে মুখামুখী হোৱাৰ বাবে প্ৰস্তুত ৷’- সেনা প্ৰধান এম.এম.নাৰাভানে ৷

অন্য বৰ্ষত পূজাৰ পূৰ্বে বিৰ দি বাট নোপোৱা অৱস্থা হোৱা মহানগৰীৰ লাচিত নগৰৰ মূৰ্তিৰ বিপণীসমূহত এতিয়া মাথো বিৰাজ কৰিছে নিমাওমাও পৰিৱেশে ৷ কিয়নো এইসমূহ বিপণীত কৰ’ণা ভাইৰাছৰ বাবে অহা নাই কোনো অৰ্ডাৰ ৷ তদুপৰি মূৰ্তি নিৰ্মাণ কৰিবলৈ প্ৰয়োজনীয় কেঁচা সামগ্ৰী সমূহৰো কৰ’ণাৰ বাবে অত্যধিক দাম হোৱা বুলি শিল্পীসকলে প্ৰকাশ কৰিছে ৷

জম্মু-কাশ্মীৰৰ দ'ডা জিলাৰ কুট্‌লি,ভদেৰৱাত কেন্দ্ৰীয় সংৰক্ষিত আৰক্ষী বাহিনীৰ সহকাৰী উপ-পৰিদৰ্শক হিচাপে কৰ্মৰত হৈ থকা অমৃত বৰদলৈ নামৰ বিষয়াগৰাকীৰ আত্মহত্যা ৷ নিজৰ চাৰ্ভিছ ৰাইফলেৰে গুলিয়াই আত্মহত্যা কৰে বিষয়াগৰাকীয়ে ৷

নগাঁৱত পাৰিবাৰিক কন্দলৰ পৰিণতিস্বৰূপে পত্নী, কন্যা আৰু পুত্ৰক জ্বলাই দিলে ৰফিকুল ইছলাম নামৰ এজন লোকে ৷ ইতিমধ্যে মৃত্যু হৈছে পত্নী আৰু কন্য়াৰ আৰু চিকিৎসাধীন অৱস্থাত আছে পুত্ৰ ৷

অসমীয়া আৰু অৰুণাচলীৰ লোকৰ মাজত অনুষ্ঠিত এখন সীমা সম্পৰ্কীয় বৈঠকত এগৰাকী অৰুণাচলী মহিলাই প্ৰহাৰ কৰিছিল লখিমপুৰ জিলা সোণোৱাল কছাৰী ছাত্ৰ সন্থাৰ প্ৰাক্তন সভাপতি প্ৰশান্ত সোণোৱালক ৷ এই বিষয় সন্দৰ্ভত বিশদভাৱে বাতৰি প্ৰচাৰ হৈছিল সংবাদ মাধ্যমত ৷ ইয়াৰ পিছতে সীমান্ত অঞ্চল পৰিদৰ্শন কৰে লখিমপুৰ জিলা ছাত্ৰ সন্থাৰ এটা দলে ৷

শাৰদীয় দূৰ্গোৎসৱলৈ মাজত মাথো এটা মাহ ৷ এনে সময়ত সংযুক্ত মুক্তি বাহিনী, অসম (স্বাধীন)য়ে অসমবাসীলৈ উদ্দেশ্যি প্ৰেৰণ কৰিছে এক বাৰ্তা ৷ বাৰ্তাটোৰ জড়িয়তে এইবাৰৰ শাৰদীয় দূৰ্গোৎসৱ উদযাপন নকৰিবলৈ জনাইছে আহ্বান ৷ কিন্তু কিয় ?

সত্ৰীয়া সংস্কৃতিৰ সাধক, বৰপেটা সত্ৰৰ ডেকাসত্ৰীয়া স্বৰ্গীয়া নৱজিৎ দাসক সোঁৱৰি বৰপেটা সত্ৰৰ শাখা-সত্ৰ সমাজে আয়োজন কৰে এক শ্ৰদ্ধাঞ্জলি অনুষ্ঠানৰ ৷ শ্ৰদ্ধাঞ্জলি অনুষ্ঠানটোত স্বৰ্গীয়া নৱজিৎ দাসৰ প্ৰতিমূৰ্তিৰ সন্মুখত বন্তি প্ৰজ্বলন কৰে বৰপেটা সত্ৰৰ বুঢ়াসত্ৰীয়া বশিষ্ঠ দেৱ শৰ্মাই ৷

G20 ৰ বৈঠকত ভাৰতৰ বৈদেশিক পৰিক্ৰমা মন্ত্ৰী এছ জয়শংকৰে বিদেশী ছাত্ৰ তথা নাবিক সকলক স্বদেশলৈ উভতাই নিয়া আৰু তেওঁলোকৰ সুৰক্ষাৰ ক্ষেত্ৰত থকা প্ৰট'কলৰ বিকাশ সাধন কৰাৰ এক প্ৰস্তাৱ আগবঢ়ায় ।

আজমীৰত সংঘটিত হৈছে এটা দুখজনক ঘটনা । এগৰাকী বিবাহিত মহিলাক স্বামী গৃহত শহুৰ আৰু শাহুৱেকে এটা কোঠাত তলা বন্ধ কৰি আবদ্ধ কৰি ৰাখে । এই কথা প্ৰকাশ কৰিছে মহিলাগৰাকীৰ উদ্ধাৰ কৰিবলৈ যোৱা আজমীৰ আৰক্ষীয়ে । জানিব পৰা অনুসৰি মহিলাগৰাকীৰ লগতে তেখেতৰ দুইবছৰীয়া কন্যাকো তলাবন্ধ কৰি কোঠাত আবদ্ধ কৰি থৈছিল ।

জম্মু-কাশ্মীৰত দেশৰ বাবে প্ৰাণ আহুতি দিয়া চুবেদাৰ ৰাজেশ কুমাৰৰ কন্যাৰ বিশেষ আহ্বান। শ্বহীদ চুবেদাৰ ৰাজেশ কুমাৰৰ স্মৃতিত উদ্যান অথবা বিদ্যালয় নিৰ্মাণৰ অনুৰোধ জনালে কন্যাই।