এক বজাৰ শীৰ্ষ বাতৰিসমূহ.....

এক বজাৰ শীৰ্ষ বাতৰিসমূহ.....

কৰিমগঞ্জত ভয়াবহ ভূমিস্খলনৰ ফলত একেটা পৰিয়ালৰে পাঁচ জন সদস্যই প্ৰাণ হেৰুৱাব লগা হ'ল ৷ কৰিমগঞ্জৰ কালীগঞ্জ এলেকাৰ কৰিমপুৰ 10 নম্বৰ ৱাৰ্ডত সংঘটিত হয় এই মৰ্মান্তিক ঘটনা ৷

লক ডাউনৰ সময়ত নীতি বৰ্হিভুত ভাবে আই আই টি গুৱাহাটীৰ 99 জন শ্ৰমিকক কামৰ পৰা উলিয়াই দিয়াকলৈ সোমবাৰে প্ৰতিবাদ মুখৰ হৈ পৰে ভাৰতীয় মজদুৰ সংঘ । এই কাৰ্যৰ বিৰোধিতাৰে গুৱাহাটী আই আই টিৰ লঠিয়াবাগিছা গেটৰ সন্মুখৰ খেলপথাৰত প্ৰতিবাদী সভা অনুষ্ঠিত কৰি প্ৰতিবাদ সাব্যস্ত কৰে ভাৰতীয় মজদুৰ সংঘই ৷

নামেৰী ৰাষ্ট্ৰীয় উদ্যান আৰু বালিপৰা সংৰক্ষিত বনাঞ্চলত বছৰ বছৰ ধৰি বনধ্বংস যজ্ঞ চলি থকাৰ লগতে জীয়াভৰলী নদীত চলি আছে অবৈধ শিল বালি খনন কাৰ্য ৷ জীয়াভৰলী নদীখনত চলি থকা অবাধ খননৰ বাবেই লুপ্ত পাবলৈ ধৰিছে প্ৰাকৃতিক সৌন্দৰ্য্য ।

30 মে'ত মৰিয়নিৰ গাভৰু চাহবাগিছাৰ সমীপত একাংশ উন্মত্ত লোকে হত্যা কৰিছিল দেৱাশীষ গগৈ নামৰ যুৱকজনক ৷ সামান্য এটি দুৰ্ঘটনা সংঘটিত হোৱাৰ পাচতেই গণ ৰোষৰ বলি হৈ মৃত্যুক আঁকোৱালি লৈছিল যুৱকজনে ৷ এই ঘটনাক লৈ ৰাজ্যজুৰি ব্যাপক প্ৰতিক্ৰিয়াৰ সৃষ্টি হৈছে ৷ দোষীক উপযুক্ত শাস্তি দিয়াৰ দাবী তুলিছে ৰাজ্যবাসীয়ে ৷ ইয়াৰ কেইদিনমান পূৰ্বে চাবুৱাত এজন যুৱক আৰু হাজোত এগৰাকী পাচলি বিক্ৰেতাই মৃত্যুক সাৱটিব লগীয়া হৈছিল গণৰোষৰ বলি হৈ ৷

বিজেপি বিৰোধী শ্ল'গান দিয়া মুখেৰেই বিজেপি গুণ গাবলৈ আগবাঢ়িছে এগৰাকী আছু নেতা ৷ ডিব্ৰুগড়ৰ আছু নেতা দিব্যজ্যোতি গগৈয়ে সোমবাৰে আনুষ্ঠানিকভাৱে যোগ দিয়ে গেৰুৱা দলত ৷

অসমৰ অৰ্থনৈতিক ব্যৱস্থা পুনৰ টনকিয়াল কৰি তুলিবলৈ ৰাজ্যৰ কৃষি বিভাগে ভৱিষ্যত দিনৰ এক নতুন কৰ্ম আচনিৰ ৰূপৰেখা প্ৰস্তুত কৰিছে । ৰাজ্যৰ বাহিৰৰ পৰা উভতি অহা অসমৰ যুৱকসকলক উৎসাহিত কৰিবলৈ কৃষি বিভাগে মৌ পালন,কাঠফুলা আদি খেতিৰ বাবে পুজিৰ যোগান ধৰিব । শূণ্য শতাংশ সুতত এইসকল যুৱকক কে চি চিৰ ঋণ প্ৰদান কৰা হ'ব ৷

শাসকীয় দলৰ নেতা কৰ্মীয়ে লক ডাউনৰ নীতি নিৰ্দেশনা উলংঘা কৰাৰ উপৰিও সামাজিক ব্যৱধান অমান্য কৰাৰ অভিযোগ উত্থাপন কৰে বিৰোধী দলপতি দেৱব্ৰত শইকীয়াই ৷

ৰাজ্যৰ দুই পৃথক স্থানত পুনৰ উদ্ধাৰ ব্যৱহৃত পিপিই কিট । নগাঁৱৰ ৰাজপথত পৰি থকা পিপিই কিটক লৈ এতিয়া জিলাখনত সৃষ্টি হৈছে চাঞ্চল্য ৷ ব্যৱহৃত কিটতো কোনে এনেদৰে ৰাজপথত পেলালে সেয়া নিশ্চিত হোৱা নাই ৷ অনুৰূপধৰণে নলবাৰীৰ সমীপৰ ঘগ্ৰাপাৰৰ ৰাজপথতো উদ্ধাৰ হৈছে ব্যৱহৃত পিপিই কিট ৷

দেশজুৰি বাহাল থকা লক ডাউনৰ বাবে মহাপুৰুষ জনৰ ৪৭৪ সংখ্যক জন্ম জয়ন্তী ভাগ উলহ মালহেৰে উদযাপন কৰিব পৰা নাই তেঁওৰ শিষ্য সকলে ৷ মহাপুৰুষ মাধৱদেৱে উজনি অসমত ধৰ্মপ্ৰচাৰক হিচাপে দ্বায়িত্ব অৰ্পন কৰিছিল এই গৰাকী মহাপুৰুষ শ্ৰীশ্ৰী বদলা পদ্ম আতাক ৷

অসম ৰাজ্যিক আইন সেৱা প্ৰাধিকৰণে লক ডাউনৰ সময়ত ঘৰুৱা হিংসা,স্বামীৰ অত্যাচাৰ উৎপীড়ণৰ বলি হোৱা মহিলা সকললৈ আগবঢ়াব আইনী সুবিধা ৷