গুৱাহাটী, 25 ডিচেম্বৰ : প্ৰয়াত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ জন্মদিন উপলক্ষে শুকুৰবাৰে প্ৰধানমন্ত্ৰী কিষাণ সন্মান নিধি জৰিয়তে দেশৰ ৯ কোটি কৃষক পৰিয়াললৈ ১৮ হেজাৰ কোটি নতুন কিস্তি প্ৰদান কৰা হয় । গুৱাহাটী মহানগৰীৰ সমীপৱৰ্তী ৰাণীৰ খণ্ড উন্নয়ন বিষয়া কাৰ্যালয়ত এই উপলক্ষ্যে এক অনুষ্ঠান আয়োজন কৰা হয় ৷ অনুষ্ঠানত প্ৰধানমন্ত্ৰী নৰেন্দ্ৰ মোদীয়ে দেশৰ কৃষকসকলৰ লগত কৰা মত বিনিময় কৰে আৰু কৃষকসকলক উদ্দেশ্যি দিয়া ভাষণৰ পোনপটীয়া সম্প্ৰচাৰ কৰা হয় ।
অনুষ্ঠানত গুৱাহাটী লোকসভা সমষ্টিৰ সাংসদ কুইন ওজা উপস্থিত থাকে ৷ সাংসদগৰাকীয়ে নতুন কৃষি আইনৰ বিৰুদ্ধে দেশত চলি থকা কৃষক আন্দোলনক ৰাজনীতি বুলি মন্তব্য কৰে । তেওঁ এই আইনৰ ফলত কৃষকে পোনপটীয়াকৈ শস্য বিক্ৰী কৰিব পৰা পাৰিব কাৰণে মধ্যভোগীসকলে আন্দোলনকাৰী কৃষকসকলক ভুল পথে পৰিচালিত কৰি আছে বুলি উল্লেখ কৰে ।
লগতে পঢ়ক: কেৰলৰ ধ্বনিৰে মুখৰিত উত্তৰ-পূৰ্বাঞ্চলৰ প্ৰথমটো গীর্জাঘৰ
