গুৱাহাটী, ৪ এপ্ৰিল : ফ্লায়িং স্কোৱাড অভিযানত বিশেষ সফলতা । বৃহস্পতিবাৰে গুৱাহাটী মহানগৰীৰ মালিগাঁৱত পাণ্ডু ফ্লায়িং স্কোৱাডৰ এটা দলে চলাইছিল অভিযান । অভিযানত দলটোৱে প্ৰতিখন বাহন তন্ন-তন্নকৈ পৰীক্ষা কৰাৰ সময়তে অভিযানকাৰী দলটোৱে জব্দ কৰে পাঁচ লাখকৈ টকা । আয়াজ আলী নামৰ এজন লোকে As 01 DU 1660 নম্বৰৰ এখন I-১০ গাড়ীৰ পৰা জব্দ কৰে এই টকাখিনি । আয়াজ আলীয়ে টকাখিনিৰ পৰ্যাপ্ত নথি-পত্ৰ দেখুওৱাব নোৱাৰাৰ বাবে পাণ্ডু ফ্লায়িং স্কোৱাডৰ দলটোৱে জব্দ কৰে টকাখিনি । সম্প্ৰতি জালুকবাৰী আৰক্ষী আৰু ফ্লায়িং স্কোৱাডৰ দলটোৱে ঘটনা সন্দৰ্ভত অব্যাহত ৰাখিছে তদন্ত । আনহাতে দলটোৱে টকাখিনিৰ নথি-পত্ৰ পৰীক্ষা নিৰীক্ষাও আৰম্ভ কৰিছে । উল্লেখযোগ্য যে নিৰ্বাচনৰ সময়চোৱাত কোনোৱে যাতে নিৰ্বাচনী আচৰণ বিধি উলংঘা কৰিব নোৱাৰে তাৰ বাবে এনেদৰেই বৃহস্পতিবাৰে দলটোৱে মালিগাঁৱত প্ৰতিখন বাহনতে চলাই অভিযান ।
ইফালে, জব্দ হোৱা টকাখিনিৰ গৰাকীয়ে বেংকত জমা ৰাখিবলৈহে টকাখিনি আনিছিল বুলি মন্তব্য কৰে ।
