গুৱাহাটী,১২ জুন: অসমৰ লোক সংগীতৰ সাধক, বিহু সম্রাট, গণশিল্পী খগেন মহন্ত অষ্টম মৃত্যু বার্ষিকী । ২০১৪ চনৰ আজিৰ দিনটোতে মৃত্যু হৈছিল বিহু সম্ৰাট খগেন মহন্তৰ(Bihu Emperor Khagen Mahanta died on 12 Jun 2014) । অষ্টম মৃত্যু বাৰ্ষিকীত ৰাজ্যৰ বিভিন্ন অনুষ্ঠানে শ্ৰদ্ধাঞ্জলি জ্ঞাপন কৰিছে গণশিল্পীগৰাকীলৈ(Tributes to mass artist Khagen Mahanta) ।
শ্ৰীমন্ত শংকৰদেৱ কলাক্ষেত্ৰ সমাজৰ উদ্যোগত গণশিল্পী খগেন মহন্তৰ অষ্টম মৃত্যু বার্ষিকী উপলক্ষে শ্রীমন্ত শংকৰদেৱ কলাক্ষেত্র আন্তর্জাতিক প্রেক্ষাগৃহ প্ৰাংগণস্থিত ‘গণশিল্পী খগেন মহন্ত উদ্যানত আয়োজন কৰা হয় এক শ্ৰদ্ধাঞ্জলি অনুষ্ঠান । শ্ৰদ্ধাঞ্জলি অনুষ্ঠানত উপস্থিত থাকে কলাক্ষেত্ৰ সমাজৰ উপ-সভাপতি জিতুল সোণোৱাল, সচিব সুদৰ্শন ঠাকুৰকে আদি কৰি কৰ্মচাৰীসকল ।
ভাষণ প্ৰসংগত উপসভাপতিগৰাকীয়ে কয় যে, অসমৰ লোক সংগীতৰ ক্ষেত্ৰখনত মহন্তদেৱৰ অৱদান চিৰস্মৰণীয় হৈ থাকিব । তেখেতৰ সৃষ্টিৰাজীক সজীৱ কৰি ৰাখিবৰ বাবে অসম চৰকাৰৰ লগতে কলাক্ষেত্র সমাজে যথোপযুক্ত ব্যৱস্থা গ্ৰহণ কৰিছে বুলি ভাষণ প্ৰসংগত ব্যক্ত কৰে ।
অনুষ্ঠানত মহাপুৰুষ মাধৱদেৱ বিৰচিত বৰগীত ‘দয়াৰ ঠাকুৰ হৰি' শীৰ্ষক বৰগীতটি পৰিৱেশন কৰে অসমৰ নৃগোষ্ঠীয় সাংস্কৃতিক সমন্বয় আৰু বিনিময় অভিযানত অংশগ্ৰহণ কৰা অসমৰ বিভিন্ন জিলাৰ পৰা অহা প্রশিক্ষার্থীসকলে । লগতে গণশিল্পীগৰাকীৰ জনপ্ৰিয় গীতসমূহ পৰিৱেশন কৰি শিল্পীগৰাকীৰ সৃষ্টিৰাজীক পুনৰুজ্জীৱিত কৰাৰ প্ৰয়াস কৰে ।
লগতে পঢ়ক: বিশ্বত জিলিকিব বীৰ লাচিতৰ মৈদাম
