ভুৱা বাজেট গৃহীত কৰিছে বিজেপি চৰকাৰেঃঅসম প্ৰদেশ কংগ্ৰেছ

ৰাজ্যত চলি থকা সংশোধিত নাগৰিকত্ব আইন বিৰোধী আন্দোলন বন্ধ কৰাৰ উদ্দেশ্যে বিজেপি চৰকাৰে ৰাইজক বিভিন্নধৰণে আভুৱা ভৰাৰ অভিযোগ কৰে অসম প্ৰদেশ কংগ্ৰেছে ৷ দেওবাৰে গুৱাহাটীত সম্পন্ন হয় অসম প্ৰদেশ কংগ্ৰেছ কমিটিৰ এক সংবাদমেল ৷ সংবাদমেলখনত সোণোৱাল চৰকাৰৰ কেবিনেটৰ সিদ্ধান্তক লৈ তীব্ৰ প্ৰতিক্ৰিয়া প্ৰকাশ কৰে দলটোৱে ৷

গুৱাহাটী,22 ডিচেম্বৰঃ ভুৱা বাজেট গৃহীত কৰিছে বিজেপি চৰকাৰে-এই অভিযোগ অসম প্ৰদেশ কংগ্ৰেছৰ ৷ দেওবাৰে গুৱাহাটীত সম্পন্ন হয় অসম প্ৰদেশ কংগ্ৰেছ কমিটিৰ এক সংবাদমেল ৷ সংবাদমেলখনত সোণোৱাল চৰকাৰৰ কেবিনেটৰ সিদ্ধান্তক লৈ তীব্ৰ প্ৰতিক্ৰিয়া প্ৰকাশ কৰে দলটোৱে ৷ কংগ্ৰেছৰ হৈ ভগীৰথ কৰণ, দুৰ্গা দাস বড়ো আৰু ঋতুপৰ্ণ কোঁৱৰে সম্বোধন কৰে সংবাদমেলখন ৷ ৰাজ্যত চলি থকা সংশোধিত নাগৰিকত্ব আইন বিৰোধী আন্দোলন বন্ধ কৰাৰ উদ্দেশ্যে চৰকাৰে ৰাইজক বিভিন্নধৰণে আঁভুৱা ভৰাৰ অভিযোগ কৰে বিৰোধী দলটোৱে ৷ নিজ ৰাজ্যত অসমীয়া ভাষা সংখ্যালঘু হোৱাৰ পৰা উদ্ধাৰ কৰাৰ বিপৰীতে চৰকাৰে আন কথাত মনোনিৱেশ কৰিছে বুলিও সংবাদমেলখনত কয় ৷

শেহতীয়াকৈ চৰকাৰে চাহ জনগোষ্ঠীৰ লোকৰ বাবে কৰা ঘোষণা অসাৰ বুলি কয় কংগ্ৰেছ দলে ৷ কিয়নো ৩ বছৰ পূৰ্বেও চৰকাৰে একেই ঘোষণা কৰিছিল ৷ লগতে চাহ জনগোষ্ঠী লোকসকলৰ উন্নয়নৰ বাবে চৰকাৰে চাউল-চেনীৰ বাহিৰে কোনো সা-সুবিধা প্ৰদান কৰা নাই বুলি উল্লেখ কৰে সংবাদমেলত অংশ লোৱা কংগ্ৰেছৰ বিষয়ববীয়াসকলে ৷

ইপিনে ভূমি নীতিৰ ক্ষেত্ৰত চৰকাৰৰ ভূমিকাক স্পষ্ট কৰিবলৈ বিৰোধী দলটোৱে দাবী উত্থাপন কৰে ৷ আনহাতে, নাগৰিকত্ব সংশোধনী আইন বাতিলকৰণ যে অসমৰ একমাত্ৰ শান্তিৰ পথ তাক বুজিবলৈ চৰকাৰক আহ্বান জনায় প্ৰদেশ কংগ্ৰেছৰ নেতৃত্বই ৷

লগতে চাওকঃশ্বিলঙত বাতিল সান্ধ্য আইন, পুনৰ আৰম্ভ ইন্টাৰনেট সেৱা