গুৱাহাটী, 25 অক্টোবৰঃ পোহৰৰ উৎসৱ দীপাৱলীলৈ মাজত মাত্ৰ কেইটামান দিন বাকী ৷ দীপাৱলী উপলক্ষ্যে ৰাজ্যৰ বিভিন্ন প্ৰান্তৰ লগতে মহানগৰীয়ো আলোকিত হ'ব পোহৰৰে ৷ দীপাৱলী উপলক্ষে মহানগৰীৰ বজাৰত ভৰি পৰিছে নানা ধৰনৰ লাইটৰ লগতে বিভিন্ন সামগ্ৰীৰে ৷
চীনত নিৰ্মিত সামগ্ৰী ব্যৱহাৰৰ ক্ষেত্ৰত মহানগৰ প্ৰশাসনে নিষেধাজ্ঞা আৰোপ কৰি অহাৰ পাছতো মুকলিকৈ চীনত নিৰ্মিত সামগ্ৰীৰ ব্যৱসায় অব্যহাত ৰাখিছে একাংশ অসাধু ব্যৱসায়ীয়ে ৷ ইতিমধ্যে মহানগৰীৰ মালিগাঁও ফাচীবজাৰ, গণেশগুৰি আদি অঞ্চলত উভৈনদী হৈ পৰিছে বিভিন্ন চীনা সামগ্ৰী ৷ অৱশ্যে কেৱল নিৰ্দেশ প্ৰদান কৰিয়েই নিজৰ দায়িত্ব সামৰিছে জিলা প্ৰশাসনে ৷ এইপৰ্যন্ত দীপাৱলী উপলক্ষ্যে গঢ় লৈ উঠা বিপনী সমূহত অভিযান চলোৱা পৰিলক্ষিত হোৱা নাই মহানগৰ প্ৰশাসনে ৷ আৰু প্ৰশাসনৰ দূৰ্বলতাৰ পূৰ্ণ সুযোগ গ্ৰহণ কৰি মহানগৰীৰ বজাৰত 30ৰ পৰা 500 টকা পৰ্যন্ত বিক্ৰী হৈছে নানাৰঙী চীনা লাইটসমূহ ৷
